Azər-Türk Bank ASC yeni 945 nömrəli Məlumat Mərkəzini təqdim edir. Bankla əlaqə saxlamağın operativliyini və rahatlığını təmin etmək məqsədilə "Azər-Türk Bank" ASC yeni Məlumat Mərkəzini yaratmışdır. Belə ki, yeni 945 qısa nömrə vasitəsilə Bankımızın məhsul və xidmətləri barəsində ətraflı məlumatları tez zamanda ala bilmək imkanını əldə edirlər.
“AtaBank” ASC “Express Kredit” məhsulunu təklif edir.Kreditin maksimal məbləği 5000 manat, müddəti isə 48 ay təşkil edir. “Express Kredit”də faiz dərəcəsi 12 ayadək kreditlər üçün illik 22%, 12 aydan yuxarı kreditlər üçün illik 24 % təşkil edir. Əmək haqqını “AtaBank” ASC-nin plastik kartları ilə alan müştərilər üçün isə müvafiq olaraq illik 20% və 22 % müəyyən olunub.
“AtaBank” ASC “Milli Kinomuz” adlı müsabiqəyə başlayıb. Müsabiqənin şərtlərinə görə, müsabiqə iştirakçıları “AtaBank” ASC-nin facebook səhifəsinin fanı olmalı, Facebook səhifəsində yerləşəcək videonu öz səhifənizdə paylaşmalı və verilmiş suala düzgün cavab yazmalıdır.Suala tam və dolğun cavab verən ilk fan 50 manatlıq Visa Electron kartı əldə edəcək.
Amrahbank ASC 2013-cü ilin ilk 8 ayını 4.0 milyon manat mənfəətlə başa vurdu. 2013-cü ilin 8 ayının nəticələrinə görə Amrahbank ASC-nin mənfəəti ötən ilin müvafiq dövrü ilə müqayisədə 3.2 dəfə artaraq 4.0 milyon manat təşkil etmişdir.
FFA-nın dəstəyi, İctimai Futbol Təşkilatları İctimai Birliyinin təşkilatçılığı ilə dövlət və özəl müəssisələr arasında keçirilən Futbol Liqası başa çatıb. AFFA-nın Futbol Akademiyasının meydançasında keçirilən son 3 qarşılaşmadan sonra qaliblərin mükafatlandırma mərasimi keçirilib. Turnirin builki qalibi Embawood komandası olub. İkinci pilləni Comp US və HP, üçüncü yeri isə AFB Bank tutub.
Bakı, 24 iyul 2013. Asiya İnkişaf Bankı (AİB) AccessBank-a (Azərbaycan) 5 il müddətinə 50 milyon ABŞ dolları məbləğində kredit verəcək. Bu kreditin məqsədi Azərbaycanın kənd ərazilərində mikro və KOB müəssisələrinin, xüsusilə kənd təsərrüfatı müəssisələrinin və fermerlərin kreditləşdirilməsi ilə əlaqədar Bankın fəaliyyətini dəstəkləməkdən ibarətdir. AİB-nın bu krediti beynəlxalq maliyyə təşkilatı tərəfindən AccessBank-a verilən ən böyük ikitərəfli təkrar maliyyələşdirmə vəsaitləridir – bu, iki tərəfdaş arasındakı əməkdaşlığı yeni səviyyəyə çıxarır.
Azərbaycan Respublikası Mərkəzi Bankının nağdsız ödənişlər üzrə iyul ayına aid hesabatında, “Bank of Baku” bu nominasiyada 1-ci yerdə qərarlaşıb. Hesablanan əmsala əsasən, ay ərzində Azərbaycan bankları arasında plastik kart sayına münasibətdə ən çox nağdsız əməliyyat məhz “Bank of Baku”-nun POS-terminallarında və bankomatlarında aparılıb. İyul ayında “Bank of Baku”-nun plastik kartları ilə 281.714 sayda nağdsız əməliyyat həyata keçirilib. Hesabat ayına olan məlumata görə, “Bank of Baku”-ya məxsus kartların toplam sayı isə 306. 390 təşkil edir.
2013-2014 yeni tədris ili ilə əlaqədar “Bank of Baku” Bolkart istifadəçiləri üçün növbəti nağd pul kampaniyasına start verir.
Ənənəvi olaraq yeni dərs ili ərəfəsində valideynlərin xərcləri artır. Beləliklə, 2-6 sentyabr tarixləri arasında hər bir Bolkart sahibi bir çox gündəlik ehtiyaclarını, o cümlədən övladlarının dərs qayğılarını, bu nağdlaşdırma imkanı ilə qarşılaya bilər.
PAŞA Bank və British Council Böyük Britaniyanın Tomson Fondu təşkilatının dəstəyi ilə məmnuniyyətlə jurnalistlər üçün nəzərdə tutulmuş xüsusi təlim proqramını elan edirlər.Layihənin məqsədi xüsusi hazırlanmış müfəssəl təlim proqramı vasitəsilə milli mətbuata (televiziya, çap və elektron mətbuat) peşəkar bilik və səriştənin artırılmasında kömək etməkdir.2013-cü ilin noyabr ayından başlayaraq keçiriləcək təlimlərdə iştirak etmək üçün 10-15 iştirakçı seçiləcəkdir.
