Müəllif: Tamara Mustafayeva, Banco.az
Avropada təbii qazın qiyməti 2022-ci ildən bəri ilk dəfə 90 avronu ötüb.
Banco.az xəbər verir ki, Niderlandda təbii qaz üzrə etalon fyuçers müqavilələrinin qiyməti 2,4 faiz artaraq bir meqavat-saat üçün 90,14 avroya yüksəlib. Qiymətlərin 90 avronu ötməsi 2022-ci ilin dekabrından bəri ən yüksək göstərici olub. Hazırkı qiymətlər İran müharibəsindən əvvəlki səviyyədən təxminən üç dəfə yüksəkdir.
Qiymətlər son enerji böhranı zamanı qeydə alınan zirvə göstəricilərindən xeyli aşağı qalsa da, son artım istehlakçılar və sənaye müəssisələri üzərində təzyiqi gücləndirir.
Hökumətlər məhdud büdcələr və yüksək borclanma xərcləri səbəbindən yeni enerji dəstəyi tədbirləri görməyə o qədər də həvəsli deyillər. Buna görə də indiyədək dövlətlər böyük xərc tələb edən qiymət tavanlarının tətbiqinə və vergilərin azaldılmasına qayıtmaqdan çəkiniblər.
Bizi sosial şəbəkələrdən izləyin!!
