29 Yanvar 2014-cü il tarixində, FINCA Azerbaijan Qeyri-Bank Kredit Təşkilatı Azərbaycan Mikromaliyyə Assosiasiyası (AMFA) tərəfindən elan olunmuş “AMFA Mükafatlandırma Proqramı - 2014” layihəsi çərçivəsində “Müştəri Məlumatının Məxfiliyinin Nümunəvi Qorunması” nominasiyası üzrə qalib gəlmişdir.
Artıq Bank Standard müştəriləri doğum günündə pulsuz debet kartları sifariş etmək kimi mükəmməl imkana sahibdirlər. Bu sifariş debet kartlarının aşağıdakı növlərinə şamil edilir:
• MasterCard Standard
• GəncKart
• VİSA Classic
DəmirBank 28 və 29 yanvar 2014-cü il tarixdə Quba filialın ofisində “Açıq qapılar” və İcra Hakimiyyəti ilə birgə “Plastik kartlardan istifadə və nağdsız ödənişlər” mövzusunda maarifləndirici tədbir keçirib.
İki gün ərzində keçirilən tədbirlərdə Bankın nümayəndələri və müştəriləri, Quba şəhər İcra Hakimiyyətinin və şəhər ictimaiyyətinin nümayəndələri iştirak edib.
DəmirBank ASC 2014-cü ildə dəftərxana ləvazimatı, kartric və təsərrüfat mallarının illik satınalınması məqsədilə açıq tender elan edir.
İştirakçılar tenderdə iştirak etmək üçün 7 fevral 2014-cü il saat 18.00 -a qədər aşağıdakı sənədləri poçt vasitəsi ilə və ya şəxsən təqdim etməlidirlər:
Bu gün AccessBank «Şanslı Əmanət» lotereyasına start verib. Yanvarın 28-dən martın 31-dək Banka minimum 5.000 AZN məbləğində (və ya bu məbləğin ABŞ dolları ekvivalentində) əmanət yatıran bütün fiziki şəxslər, o cümlədən rezidentlər və qeyri-rezidentlər bu lotereyada iştirak etmək hüququnu qazanırlar.
Bank VTB (Azərbaycan) ASC-nin plastik kart sahibləri VTB qrupun vahid bankomat şəbəkəsindən güzəştli şərtlərlə istifadə edə bilərlər. Belə ki, VTB (Azərbaycan)ın kart sahibləri VTB Qrupun vahid bankomat şəbəkəsindən pul vəsaitlərini çıxararkən nağdlaşdırma komissiyası 1% təşkil edəcək. Bazarda müvafiq komissiya üzrə orta göstərici 2%-dir.
DəmirBank Qubada “Komissiyasız günlər” adlı yeni güzəştli kredit aksiyasına başlayıb. Aksiya 28 yanvar – 28 aprel 2014-cü il tarixlərini əhatə edir.
3 ay davam edəcək aksiyanın şərtlərinə görə Quba filialında 1000 AZN-dək kredit götürən müştərilər bank komissiyasından (kredit rəsmiləşdirilməsi, sığorta və nağdlaşma) azad olunacaq.
Aksiya zamanı 1 ay ərzində istənilən müştəri komissiya ödəmədən kredit götürə biləcək. Növbəti 2 ay ərzində isə əhali arasında paylanılacaq xüsusi kuponları təqdim etməklə komissiyalardan azad olmaq mümkün olacaq.
Expressbank-daötən ilin dekabr ayında start götürmüş və cari ilin fevral ayının sonunadək davam edəcək “Pul köçür və hədiyyə Qazan!“ kampaniyasının birinci ayı uğurla başa çatmışdır.
“Zolotaya Korona” pul köçürmələri sistemi vasitəsi ilə pul köçürməsi göndərmiş 2 müştəri 2 ədəd Smartfon əldə etmişdir. Kampaniyanın digər iştirakçıları keçən müddət ərzindəmüəyyən məbləğdə pul köçürmələrigöndərərək hədiyyə olaraq pul kisəsi (portmone) qazanmışlar.
18 yanvar 2014-cü il tarixində Azərbaycan İntellektual Oyunlar Federasiyasının təşkilatı dəstəyi ilə “Modern Hotel”də “Expressbank”-ın əməkdaşları arasında “Kim?Harada?Necə?” oyunu keçirilmişdir.
Əli Xəlilov! İndi Gəncədə hamı bu gəncdən danışır. Unibankın “Nissan qazan” kampaniyasının ilk qalibi Əli Xəlilov, hər kəsin bankından götürdüyü ilk krediti ilə Nissan Sunny qazandı. Ev təmiri, taksi xidməti ilə ailəsini dolandıran Əli üçün Unibankdan gələn zəng, həyatının ən böyük hədiyyələrindən biri olub: “Xoşqədəm Hidayətqızı mənə Nissan qazandığımı xəbər verəndə, çox sevindim. Cəmi 1 ay öncə Unibankdan aldığım kreditlə bir problemimi həll edərək, yaşayışımı xeyli yaxşılaşdırdım.
