“AtaBank” ASC-nin 2014-cü ilin iyul ayının maliyyə nəticələri uğurlu olmuşdur. Belə ki, 2013-ci ilin sonu ilə müqayisədə aktivlər 5,4 % və ya 20,4 mln. manat artaraq 395,3 mln. manat olmuşdur.
Bakı şəhərinin Nəsimi rayonunda avqustun 22-də Bank VTB (Azərbaycan) ASC-nin “Azadlıq” filialının açılış mərasimi keçirildi. Yeni filial paytaxt əhalisinin sıx məskunlaşdığı ərazilərdən birində, Azadlıq prospekti 92 ünvanında yerləşir.
Yeni filialda fiziki və hüquqi şəxslər geniş çeşidli bank xidmətlərindən istifadə edə bilərlər.
Avqustun 21-i Azərbaycan kapital bazarları vasitəsi ilə «Embawood» MMC şirkətinin istiqrazlarının ilk dəfə olaraq Bakı Fond Birjasında kütləvi təklif üsulu ilə yerləşdirilməsilə əlaqədar olaraq ölkənin ən böyük banklarından biri olan PAŞA Bank və «Embawood» şirkətinin birgə təşkil etdiyi təqdimat mərasimi keçirildi.
Expressbank bank kartlar üzrə şərtləri sadələşdirərək, müştərilərə ödənişsiz əsasda təklif edir. Belə ki, müştərilər 30 sentyabr 2014-cü il tarixədək hesaba minimum 400 AZN ilkin mədaxil etməklə Visa Gold / MasterCard Gold kartlarını əldə edə bilərlər.
Unibank kiçik və orta bizneslə məşğul olanlara xüsusi xidmət təklif edir. Bankın ilk dəfə olaraq, yalnız bizneslə məşğul olan müştərilər üçün ixtisaslaşdırılmış filialı fəaliyyətə başlayıb. Qara Qarayev metrostansiyasına yaxın, A.Manafov küçəsi 9 ünvanında yerləşən “Qara Qarayev” biznes-filialı, kiçik və orta bizneslə məşğul olan müştərilərin yüksək keyfiyyətli və səmərəli bank xidmətlərinə tələbatını ödəyəcək.
ING Group Fireland Capital-ın vasitəçiliyi ilə Unibanka 15 milyon ABŞ dolları həcmində kredit ayırıb. Vəsait Azərbaycanda biznesin inkişafı layihərinin maliyyələşdirilməsinə yönləndirəcək.
Tələbələr üçün davamlı olaraq müxtəlif məhsul və xidmətlər təklif edən DəmirBank, 2014-cü ildə Azərbaycanın ali və orta ixtisas təhsili müəssəsisələrinə qəbul olmuş abituriyentlər üçün xüsusi aksiya hazırlamışdır. “Təhsilli gənclər” adlanan aksiya çərçivəsində 0% komissiya və illik 20%-lə DəmirBankdan kredit əldə etməklə təhsil haqqlarının ödənişini həyata keçirmək mümkündür.
Unibank daha bir filialını Xaçmazda açdı. Xaçmaz şəhərinin mərkəzində, mərkəzi poçtun yaxınlığında, Nəriman Nərimanov küçəsi, 19A ünvanında yerləşən yeni filial, Xaçmaz və ətraf rayonların sakinlərinin yüksək keyfiyyətli və səmərəli bank xidmətlərinə tələbatını ödəyəcək. Filial pərakəndə kreditlərin verilməsi ilə məşğul olacaq.
Expressbank-ın aktivləri 1 avqust 2014-cü il tarixinə 281 mln. manat təşkil edib. Müştərilərə verilən kreditlərin həcmi isə bu dövr ərzində 40,2 mln. manat və ya 25% artaraq 201,1 mln. manat olub.
