Müəllif: Tamara Mustafayeva, Banco.az
Bank of America-nın məlumatına görə, Trampın gömrük rüsumları ilə bağlı strategiyası dolları zəiflədə bilər.
Banco.az xəbər verir ki, Bank of America-nın G-10 valyuta strategiyası rəhbəri Athanasios Vamvakidis yayımladığı araşdırma qeydində bildirib:
"Dollar hər şeyə rəğmən tarifləri bəyənməyə bilər. ABŞ-ın dünyanın qalan hissəsinə qarşı gömrük tarifləri tətbiq etməsi və tam cavab tədbirləri ssenarisində dollar zəifləyə bilər."
ABŞ-a qarşı cavab tədbiri riski
İndiyə qədər Trampın tarif addımları qlobal ticarət axınlarını pozmaq və ABŞ-da inflyasiya risklərini artırmaq təhlükəsi daşıdığından, eyni zamanda dolları "təhlükəsiz liman" cazibəsi ilə gücləndirib. Lakin Vamvakidisin fikrincə, əgər Tramp ABŞ-ın idxalına 10% və ya 20% gömrük rüsumu tətbiq edərsə, digər ölkələr buna cavab tədbirləri görəcək və bu da ABŞ-ı "daha həssas" vəziyyətə salacaq.
"Hər kəs üçün vəziyyət pisləşəcək, lakin ABŞ üçün daha da pis olacaq," – deyə strateg Vamvakidis vurğulayıb. O əlavə edib ki, ticarət qoruyuculuğu (proteksionizm) ən çox ABŞ-da artacağı üçün dünyanın qalan hissəsi bir-biri ilə əvvəlki kimi ticarət etməyə davam edəcək, hətta ABŞ-ın tariflərinə cavab olaraq bir-biriləri ilə ticarət məhdudiyyətlərini azalda bilərlər.
Bizi sosial şəbəkələrdən izləyin!!
