Müəllif: Tamara Mustafayeva, Banco.az
“Shell”in birinci rübdəki mənfəəti proqnozları üstələyib.
Banco.az xəbər verir ki, “Shell” 2025-ci ilin ilk rübünə dair maliyyə nəticələrini açıqlayıb.
Şirkət bu dövrdə 5,58 milyard dollar xalis mənfəət əldə edib. Bazar gözləntilərinə görə bu göstəricinin təxminən 4,96 milyard dollar olacağı proqnozlaşdırılırdı. Beləliklə, “Shell”in qazancı təxminləri təxminən 13% üstələyib.
Bununla belə, xalis mənfəət ötən ilin (2024) eyni dövrü ilə müqayisədə 28% azalıb.
Daha aşağı amortizasiya və xərclərin azalması ilk rübdəki qazancı balanslaşdırıb.
“Shell” neft qiymətlərindəki azalmalara baxmayaraq, qarşıdakı üç ay ərzində əlavə 3,5 milyard dollarlıq səhm geri alımı həyata keçirəcəyini bildirib. Bu qərarla birlikdə, ardıcıl 14 rüb boyunca hər rübdə ən azı 3 milyard dollarlıq səhm alımı reallaşdırmış olacaq.
Bizi sosial şəbəkələrdən izləyin!!
