Müəllif: Tamara Mustafayeva, Banco.az
Çinin aprel ayında ABŞ-a "Apple" iPhone və digər mobil cihaz tədarükləri 2011-ci ildən bəri ən aşağı səviyyəyə düşüb.
Banco.az xəbər verir ki, bu vəziyyət ABŞ-ın əlavə gömrük rüsumlarının dünyanın ən böyük iki iqtisadiyyatı arasında mal axınını necə ləngitdiyini bir daha nümayiş etdirib.
Çinin Gömrük məlumatlarına görə, ötən ay ağıllı telefon ixracı 72% azalaraq 688,5 milyon ABŞ dollarına düşüb və bu, Çindən ABŞ-a edilən ümumi göndərişlərdəki 21%-lik azalmadan xeyli artıqdır.
İnvestorlar 2024-cü ildə 690 milyard dollara çatan ABŞ-Çin ikitərəfli ticarətinin bu ticarət müharibəsi nəticəsində azalacağından, müxtəlif sənaye sahələrinə zərər vuracağından və istehlakçılar üçün qiymət artımına səbəb olacağından narahatdırlar.
Pekin hökuməti isə bu həftə Tramp administrasiyasını Cenevrədə keçirilən son ticarət danışıqlarını pozmaqda ittiham edib — səbəb olaraq "Huawei Technologies" şirkətinin süni intellekt çiplərinə tətbiq olunan sanksiyalar göstərilib.
Bizi sosial şəbəkələrdən izləyin!!
