Müəllif: Tamara Mustafayeva, Banco.az
Çində istehlak inflyasiyası dekabr ayında daha da zəifləyib ki, bu da deflyasiya ilə bağlı narahatlıqları artırıb.
Banco.az xəbər verir ki, Milli Statistika Bürosunun cümə axşamı günü açıqladığı məlumatlara görə, Çinin istehlak qiymətləri indeksi dekabr ayında illik müqayisədə 0,1 faizə düşərək deflyasiya ilə bağlı narahatlıqları artırıb.
Rəqəmlər gözləntilərlə uyğun gəlsə də, noyabr ayında qeydə alınan 0,2 faizlik artımdan daha az reallaşıb. Məlumatlar göstərir ki, ərzaq və enerji qiymətlərini istisna edən əsas inflyasiya göstəricisi (CPI) aylıq 0,3 faizlik artımla müqayisədə illik olaraq 0,4 faiz artıb.
Statistikaya görə, əlverişli hava şəraitinin nəticəsi olaraq ərzaq qiymətləri əvvəlki ayla müqayisədə 0,6 faiz azalıb. Təzə tərəvəz və meyvə qiymətləri müvafiq olaraq 2,4 faiz və 1 faiz azalıb. İstehlak səbətinin mühüm hissəsini təşkil edən donuz əti qiymətləri isə 2,1 faiz enib.
Bizi sosial şəbəkələrdən izləyin!!
