Müəllif: Tamara Mustafayeva, Banco.az
Avropa Komissiyasının “Avropa İqtisadi Proqnozu 2025 Payız” hesabatı dərc edilib.
Banco.az xəbər verir ki, hesabata görə, sərt pul siyasətinə baxmayaraq, Türkiyə iqtisadiyyatında daxili tələbat ilin ilk yarısında güclü olaraq qaldı. İqtisadi artım ikinci rübdə illik əsasda 4,8 faiz oldu. Hər bir halda istehlak və investisiyalardakı artım illik əsasda müvafiq olaraq 5,1 faiz və 8,8 faiz kimi hesablanıb, üçüncü rübdə də iqtisadi göstəricilərin ümumilikdə dəyişməyəcəyi təxmin edilir.
İqtisadiyyatın dayanıqlı qalaraq bu il və 2026-cı ildə 3,4 faiz artacağı proqnozlaşdırılır. Artımın 2027-ci ildə isə 4 faizə yüksələcəyi gözlənilir.
Hər bir halda istehlakın yüksək qızıl qiymətlərinin yaratdığı sərvət təsiri və məşğulluqdakı artımın davam etməsi ilə dəstəklənərək iqtisadi artımın əsas hərəkətverici qüvvəsi olacağı proqnozlaşdırılır.
Türkiyədə maliyyə şərtləri və iqtisadi mənzərənin yaxşılaşması ilə investisiyaların sabit şəkildə artması gözlənilir, ticarət və cari hesablar kəsirinin isə ümumilikdə sabit qalacağı ehtimal olunur.
Məşğulluq artımının isə tədricən sürətlənməsi və işsizliyin 2025–2027 dövründə böyük ölçüdə dəyişmədən 8,6 faiz səviyyəsində qalacağı təxmin edilir.
Bizi sosial şəbəkələrdən izləyin!!
