Müəllif: Gülnar Əhmədli, Banco.az
Dünyanın ən varlı ölkələrində iPhone 17 Pro-nu almaq üçün orta hesabla bir həftədən də az işləmək kifayət etdiyi halda, bəzi ölkələrdə bunun üçün aylarla çalışmaq lazımdır.
Banco.az xəbər verir ki, 256 GB yaddaşa malik iPhone 17 Pro almaq üçün ölkələr üzrə neçə gün (8 saatlıq iş günü) çalışmaq lazım olduğu araşdırılıb.
Hesablamalar yerli iPhone qiymətləri, orta aylıq əməkhaqqı və həftəlik orta iş saatları əsasında aparılıb.
iPhone 17 Pro almaq üçün tələb olunan iş günləri
-
Lüksemburq - 3 gün
-
İsveçrə - 3 gün
-
ABŞ - 4 gün
-
Belçika - 4 gün
-
Danimarka - 4 gün
-
Niderland - 4 gün
-
Norveç - 4 gün
-
Avstraliya - 5 gün
-
Avstriya - 5 gün
-
Finlandiya - 5 gün
-
İrlandiya - 5 gün
-
Almaniya - 5 gün
-
Kanada - 5 gün
-
Fransa - 6 gün
-
İsveç - 6 gün
-
Böyük Britaniya - 7 gün
-
Yeni Zelandiya - 7 gün
Avropanın bir sıra ölkələri iPhone 17 Pro-nun ən əlçatan olduğu bazarlar sırasında yer alır. Lüksemburq və İsveçrədə orta əməkhaqqı alan şəxs telefonu almaq üçün cəmi 3 gün işləməlidir. ABŞ-də bu göstərici 4 gün, Kanada və Avstraliyada isə 5 gündür.
Ölkələr arasında ciddi fərqlər də mövcuddur. Məsələn, Portuqaliyada telefonu almaq üçün 24 iş günü, Polşada 17 gün, Macarıstanda isə 27 gün işləmək lazımdır.
İnkişaf etməkdə olan ölkələrdə bu müddət daha da uzanır. Çilidə 32, Malayziyada 45, Tailandda 61, Braziliyada 77, Türkiyədə 89, Vyetnamda isə 99 iş günü tələb olunur. Filippində bu göstərici 101 günə çatır.
Siyahının sonunda Hindistan qərarlaşıb. Burada orta əməkhaqqı alan bir şəxsin iPhone 17 Pro almaq üçün 160 səkkiz saatlıq iş günü çalışması lazımdır. Bu, beş aydan çox iş gününə bərabərdir və Lüksemburq və İsveçrə ilə müqayisədə 50 dəfədən çoxdur.
Araşdırma göstərir ki, telefonun yerli bazardakı qiyməti ilə yanaşı, orta əməkhaqqı və alıcılıq qabiliyyəti də iPhone-un nə dərəcədə əlçatan olmasında əsas rol oynayır.
Bizi sosial şəbəkələrdən izləyin!!
