Müəllif:Ayşən İmanova/Banco.az
Alman avtomobil istehsalçısı “BMW” Çinin şimal-şərqində Şenyanda yerləşən zavodunu modernləşdirmək üçün 2,8 milyard dollar xərcləyəcək.
Banco.az xəbər verir ki, bu barədə yerli mətbuat məlumat yayıb.
"Nəql edilən investisiyalar təkcə Çinin uzunmüddətli iqtisadi perspektivlərinə deyil, həm də Çinli tərəfdaşlarımızın innovativ imkanlarına olan inamımızı vurğulayır", - deyə “BMW”nin idarə heyətinin sədri Oliver Zips bildirib.
Son illərdə "BMW" dünyada ən böyük istehsal bazası olan Çinə sərmayəsini fəal şəkildə artırır. Keçən ilin noyabrında konserni Şenyanda yeni akkumulyator zavodunun əsas binasının tikintisini başa çatdırıb. Bu, təxminən 1,38 milyard dollara başa gəlib.
Qeyd edək ki, 2023-cü ilin sonunda “BMW” Çin bazarına 820 mindən çox avtomobil tədarük edib.
Bizi sosial şəbəkələrdən izləyin!!
