“Bank Technique” müştərilərinin ixtiyarında olan İnternet Bankçılıq xidməti daha təkmil və müasir oldu.
İnternet Bankçılıq xidmətinin yeni interfeysi və daha rahat iş sxemi hesablarınızın idarə olunmasını sadələşdirdi.
Menyuda göstərilmiş xidmətlər siyahısına Şablon və Rekurent ödənişləri əlavə edildi.
İndi daha çox nağd pula ehtiyac yarandıqda, “10,000 AZN nağd krediti” artıq vaxt belə sərf etmədən, planlarınızı reallaşdırmağda köməkçiniz olacaq. Həmçinin, 10,000 AZN-dək nağd krediti Bank Respublika-dan sərfəli faiz dərəcəsi ilə və girovsuz almaq mümkündür.
“Bank of Baku”-nun Facebook səhifəsi beynəlxalq Socialbakers xidmətinin ən yaxşı Sosial Yönlü səhifə (Socially Devoted) nominasiyası üzrə mükafatına layiq görülüb. Təqdim edilmiş xüsusi sertifikatda “Bank of Baku”-nun sosial şəbəkədə müştəri xidmətlərinə görə bu sənədə layiq görüldüyü qeyd edilib.
Socialbakers (http://www.socialbakers.com) sosial şəbəkələrin monitorinqi və təhlili ilə məşğul olur və 75-dən çox ölkədə minlərlə müştəriyə xidmət göstərir.
Unibank öz müştəriləri üçün xidmət imkanlarını artırmaqda davam edir. Artıq yeni proqram təminatı ilə təhciz olunan Unibank cash-in-ləri, müştərilərin istifadəsi üçün daha rahat və geniş xidmət imkanlı oldu. Cash-in-lərdə tətbiq olunan proqram təminatının yeni versiyası əlavə xidmət imkanları yaratmaqla yanaşı, mövcud xidmətləri daha da sadələşdirib.
Mütəmadi olaraq, Korporativ Sosial Məsuliyyət (KSM) layihələri həyata keçirən “Bank Technique” ASC, bu gün də sözügedən ənənəsinə sadiq qalaraq, Gəncə şəhərindəki filialı vasitəsilə, Pensiyaçılara Ərazi Sosial Xidmət Mərkəzində, Ramazan bayramı münasibətilə süfrə açıb. Bu bayramda da, regionlardakı yaşlılarımızı unutmayan Bank, onların bayram sevincinə öz töhfəsini qatıb.
Gəncə Pensiyaçılara Ərazi Sosial Xidmət Mərkəzinin rəhbərliyi “Bank Technique”in bu addımını yüksək qiymətləndirərək, Banka sosial məsuliyyətini dərk edən ən nümunəvi bank kimi təşəkkürünü bildirib.
Muğanbank müqəddəs Ramazan bayramı münasibətilə xalqımızı təbrik edir, hər kəsə ən xoş arzu və diləklərini yetirir.
İlahi hikmətlər xəzinəsi və sonuncu səmavi kitab olan Qurani-Kərimin nazil olduğu mübarək Ramazan ayında insanlar saf niyyət və xeyirxah əməlləri ilə qardaşlıq və bərabərlik yoluna dəvət edilirlər.
Müsəlmanlar bu ayda nəfs üzərində qələbə sevincini yaşayır, Allah qarşısında borc və vəzifələrini yerinə yetirməklə mənəvi-ruhi kamilliyə nail olmaq fürsəti qazanırlar.
Unibank Azərbaycan xalqını müqəddəs Ramazan bayramı münasibəti ilə təbrik edir, bol ruzi-bərəkət arzulayır. Avqustun 8-i və 9-nun qeyri-iş günləri olduğunu nəzərə alaraq, Unibank əhalinin bank xidmətlərinə tələbatını daha çevik ödəmək üçün, bayramın sonrakı günü- avqustun 10-da gücləndirilmiş iş rejimində fəaliyyət göstərəcək.
Azərbaycan Beynəlxalq Bankı Bakı və Gəncə şəhərində xidmət olunan müştərilərinə onların rahatlığını təmin etmək məqsədi ilə unikal "R@ndevu" xidmətindən yararlanmağı təklif edir. Bankdan bazar ertəsi Trend-ə verilən məlumata görə, "R@ndevu" xidməti müştərilərə vaxtlarına qənaət etmək, Bankın filiallarında sürətli xidmət olunmaq imkanını yaradan yeni bir xidmətdir.
"R@ndevu" vasitəsilə ABB-nin müştəriləri Banka gəlməmişdən bir gün əvvəl xidmət olunduqları filialda görüş təyin edə biləcəklər.
Azərbaycan Beynəlxalq Bankı (ABB) "Visa İnternational" şirkəti ilə birlikdə "Visa kartı ilə xaricdə ödəniş et və hədiyyə qazan!" kampaniyasına start verdi.
Bankdan bazar ertəsi Trend-ə verilən məlumata görə, yeni kampaniya ABB-nin müştərilərinə Visa kartı ilə ölkənin hüdudlarından kənarda alış-veriş etməklə hədiyyə qazanmaq imkanı verir. Kampaniya 15 iyul tarixindən 15 oktyabra qədər keçirələcək.
1 may – 31 iyul tarixlərində Bank Respublika tərəfindən “Təcili pul lazımdır?” adlı endirim aksiyası keçirildi. Aksiyanın şərtlərinə görə bütün nağd pul kreditləri 2 % endirimlə verilirdi.
24 ay müddətinədək verilən kreditlərin maksimal məbləği 5000 AZN təşkil edirdi. Nağd kreditləşdirmə məhsullarının geniş çeşidindən ən uyğun gələnini seçmək imkanına istehlakçılar biganə qalmadı.
