PAŞA Bank və British Council Böyük Britaniyanın Tomson Fondu təşkilatının dəstəyi ilə məmnuniyyətlə jurnalistlər üçün nəzərdə tutulmuş xüsusi təlim proqramını elan edirlər.Layihənin məqsədi xüsusi hazırlanmış müfəssəl təlim proqramı vasitəsilə milli mətbuata (televiziya, çap və elektron mətbuat) peşəkar bilik və səriştənin artırılmasında kömək etməkdir.2013-cü ilin noyabr ayından başlayaraq keçiriləcək təlimlərdə iştirak etmək üçün 10-15 iştirakçı seçiləcəkdir.
DəmirBank-ın 2012-ci ilin dekabr ayından etibarən tətbiq etdiyi VISA Gold və Platinum kart sahibləri üçün xüsusi geri ödəmə (Cash back) aksiyası davam edir.Şərtlərə görə, Azərbaycanda və dünyanın digər ölkələrində bu kartlarla nağdsız ödənişlərin müəyyən hissəsi kart hesabına geri qayıdır (Cash back / geri ödəmə xidməti). VISA Gold sahibləri nağdsız dövriyyələrinin 0,7%-ni, VISA Platinum sahibləri isə 1,5%-ni qazanırlar.Aksiya üzrə geri ödəmə əməliyyatları barədə kart sahibi SMS-bildiriş alır.
“Unibank” ASC tərəfindən müştərilər üçün keçirilən «Unibanka əmanət yerləşdirin və hədiyyə qazanın!» adlı tirajlı stimullaşdırıcı lotereyasının başa çatmasına bir həftə qalıb. Bankdan verilən məlumata görə, lotereya çərçivəsində mayın 20-dən avqustun 31-dək «Unibank»da depozit hesabı açan hər bir müştəri müxtəlif pul uduşları və avtomobil sahibi olmaq imkanı qazanacaq.Lotereyada ən azı 12 aylıq müddətə 100 AZN/USD/EUR məbləğində əmanət qoyan və ya mövcud əmanətin müddətini kampaniya ərzində ən azı 12 ay müddətinə artıran müştərilər iştirak edə biləcəklər.
Azərbaycan Qiymətli Kağızlar üzrə Dövlət Komitəsi (QKDK) «Unibank» ASC-nin imtiyazlı sənədsiz adlı səhmlərinin emissiya prospektini dövlət qeydiyyatına alıb.Bakı Fond Birjasından verilən məlumata görə, səhmlərin hər birinin nominal dəyəri 2,72 manat, sayı 2 205 900 ədəd, emissiyanın ümumi həcmi isə 6 000 048 manat təşkil edir. Yerləşdirmə kütləvi təklif üsulu ilə həyata keçiriləcək. Sözügedən qiymətli kağızlar yerləşdiriləndən sonra bankın nizamnamə kapitalı 9,3% artaraq 70,565 mln. manata çatacaq.Yerləşdirmədə anderrayter qismində «Unicapital» ASC çıxış edəcək.
Unibank-ın şərtlərini bu günlərdə daha da asanlaşdırdığı “evdar xanım krediti” böyük maraq doğurub. Hər gün onlarla xanım Unibank filiallarına bu güzəştli kredit məhsulu üçün müraciət edir və endirimlərdən faydalanır. Xatırladaq ki, Unibankdan kredit götürmək istəyən evdar xanımları sürprizlər gözləyir. Krediti rəsmiləşdirmək üçün onlardan həyat yoldaşlarının iş yerindən arayış tələb olunmur.
Bank “BTB” ASC inkişaf strategiyası çərçivəsində qarşısına qoyduğu məqsədləri uğurla həyata keçirərək yeni “Neftçilər” filialını müştərilərin xidmətinə verdi. Yeni filial Nizami rayonu, R.Rüstəmov küçəsi, 25/63 ünvanında yerləşir. Filialda müştərilərə geniş çeşiddə bank məhsulu və xidmətləri təklif olunur. Bura istehlak və biznes kreditləri, əmanətlər, hesablaşma-kassa əməliyyatları, plastik kartlar, kommunal və rabitə xidmətlərinin ödənişi, yerli və beynəlxalq pul köçürmələri daxildir.
Azərbaycanın böyük şəhərlərində artan müştəri kütləsinə bank xidmətləri göstərmək məqsədi ilə “Bank of Baku”-nun Sumqayıt şəhərində daha bir filialı fəaliyyətə başlayıb.”Yeni Sumqayıt” adlı filial “Bank of Baku”-nun Sumqayıt şəhərində sayca artıq ikinci filialıdır.Filialda istehlak və biznes kreditləri rəsmiləşdirmək, əmanət yerləşdirmək, pul köçürmək, kredit kartları əldə etmək və bir çox digər xidmət və məhsullardan faydalanmaq olar. Filialın açılışı münasibətilə “Bank of Baku”-nun Baş Direktoru Fərid Əlizadə bildirib ki, bank özünün filial şəbəkəsinin genişləndirilməsini yeni inkişaf str
Bank Technique” ASC əmanətçilərə “Şans” depoziti üzrə avtomobil qazanmaq fürsəti verən “Şans Technique” adlı stimullaşdırıcı lotereyasını davam etdirir.
Lotereyanın şanslı qalibi Volkswagen Polo Sedan Highline markalı avtomobilin sahibi olacaq.
DəmirBank-ın aktivləri 1 avqust 2013-cü il tarixinə 375,1 mln. manat təşkil edib. Müştərilərə verilən kreditlərin həcmi isə qeyd edilən tarixə 290,6 mln. manatı keçib.
Bankda müştəri depozitlərinin həcmi 1 avqust 2013-cü il tarixinə 173,3 mln. manat olub. Əhalinin əmanətlərinin həcmi isə 1 avqust 2013-cü il tarixinə 140,8 mln. manat təşkil edib ki, hesabat dövrü ilə müqayisədə bu göstərici 17,1% və ya 20,6 mln. manat çoxdur.
Bankın 1 avqust 2013-cü il tarixinə məcmu kapitalı isə 56,3 mln. manat olub.
