Azərbaycanlı sahibkarlar Rusiyanın Tümen vilayətinin hökumətinin dəstəyi ilə kartof emalı zavodu, meyvə-tərəvəz bazası və SPA otelin tikintisində iştirak edə bilərlər. Bunu Bakıda səfərdə olan vilayətin qubernatoru Vladimir Yakuşev bildirib.
Azərbaycandan mal ixracı ilə məşğul olan sahibkarlara vəd edildiyi kimi ixrac etdikləri malın dəyərinin 3-6%-i qədər ödəniş veriləcək. Bu barədə jurnalistlərə açıqlamasında iqtisadyyat naziri Şahin Mustafayev məlumat verib.
Onun sözlərinə görə, artıq iki sahibkar bu məqsədlə İqtisadiyyat Nazirliyinə müraciət edib.
2016-cı ilin oktyabr ayı ərzində SOCAR tərəfindən (Müştərək Müəssisələr və Əməliyyat Şirkətləri istisna olmaqla) 7074 metr qazma işi həyata keçirilib. SOCAR-dan verilən məlumata görə, bu sahədə görülmüş işlərin 6469 metri istismara, 605 metri isə kəşfiyyata aid olub.
Azərbaycan Respublikasının Mərkəzi Bankı 31.10.2016 tarixinə olan Rəsmi Valyuta Ehtiyatlarını açıqlayıb.
Banco.az Mərkəzi Banka istinadən xəbər verir ki, oktyabrın 31-nə rəsmi valyuta ehtiyatları 4005,5 mln. USD təşkil edib.
Nigeriya və Liviya neft hasilatını artıraraq OPEC üçün növbəti dəfə çətinlik yaradıb.
"Bloomberg" agentliyinə istinadən verilən xəbərə görə, Liviya 2014-cü ildən bəri ilk dəfə cari ilin oktyabrında bazara böyük həcmdə neft çıxarıb.
MDB ölkələri Ali maliyyə nəzarəti orqanları Şurasının əsas milli göstəricilər üzrə ekspert qrupunun “Dayanıqlı inkişaf üzrə MDB ölkələrinin təcrübəsi” mövzusunda videokonfrans keçirilib.
Dünən, noyabrın 1-də neft qiymətləri ABŞ-da açıqlanan neft ehtiyatlarında artım xəbəri səbəbindən düşməyə davam edib. "RİA Novosti" agentliyinə istinadən verilən xəbərə görə, Amerika Neft İnstitutunun (APİ) həftəlik hesabatına əsasən, oktyabrın 23-28-də ABŞ-ın neft ehtiyatları 9,3 mln. barel artıb. Bu da ekspertlərin proqnozundan 9 dəfə çoxdur. Qeyd edək ki, bu gün ABŞ Energetika Nazirliyi tərəfindən neft ehtiyatlarının rəsmi statistikasının açıqlanması gözlənilir.
Oktyabr ayının göstəricilərinə əsasən Azərbaycanda pul bazası artıb.
Banco.az Azərbaycan Mərkəzi Bankına (AMB) istinadən xəbər verir ki, 30.09.2016 tarixində Azərbaycanda pul bazası 6810,3 mln. manat idi və keçən ay ilə müqayisədə 638,6 mln. manat artım var.
Azərbaycan Mərkəzi Bankının (AMB) valyuta ehtiyatlarının həcmi 2016-cı il noyabrın 1-nə 4 005,5 mln. ABŞ dolları təşkil edib.
AMB-yə istinadən verilən xəbərə görə, bu, oktyabrın 1-i ilə müqayisədə 127,2 mln. dollar və yaxud 3,08% azdır.
Azərbaycan Maliyyə Bazarlarına Nəzarət Palatası tərəfindən “Finex Kredit BOKT” ASC-nin hər birinin nominal dəyəri 500 manat olan 200 ədəd faizli təmin edilməmiş istiqrazların buraxılışı AZ2007019246 qeydiyyat nömrəsi ilə dövlət qeydiyyatına alınıb.
Bu barədə Palatadan məlumat verilib.
