Kapital Bankın depozit məhsulları üzrə keçirdiyi lotereya kampaniyası başa çatıb. İyulun 21-də “Fairmont” otelində təşkil edilən mərasimdə lotereyanın sonuncu tirajı oynanılıb. Lotereyanın 25.000 manatlıq əsas uduşunun qalibi Kapital Bankın 3 nömrəli şöbəsinin müştərisi olub.
“AtaBank” ASC tərəfindən jurnalistlərə PR-tur keçirildi. Tədbirdə “AtaHolding” ASC Korporativ Kommunikasiya şöbəsinin rəisi Dilara Zamanova “AtaBank” ASC tərəfindən 2014-cü ilin 6 ayı ərzində Korporativ Sosial Məsuliyyət sahəsində görülən işlər haqqında geniş məlumat verdi. “AtaBank” ASC tərəfindən 2014-cü ilin 6 ayı ərzində KSM sahəsində keçirilən tədbirlərdən video süjetlər nümayiş edildi.
Bank kartlarından istifadə edərək internet ödəmələrinin təhlükəsizliyini təmin etmək məqsədi ilə, “Bank Technique” ASC “VISA” kart sahibləri üçün “3D Secure” texnologiyasını istifadəyə verib.
Expressbank “Hədiyyəli Köçürmələr“ aksiyasına start verilir. Aksiyaiya 10 sentyabr 2014-cü il tarixinədək etibarlıdır.
Azər-Türk Bank daha bir turizm agentliyi ilə əməkdaşlıq etməyə başladı. İndi siz “Volcano Travel”-ə (www.volcanotravel.az) müraciət edərək Turizm Kreditini 18%-lə əldə edə bilərsiniz (iş yerindən arayış və ya əmək haqqı barəsində son 6 ayın hesab çıxarışı tələb olunur). “Volcano Travel” dünyanın müxtəlif istiqamətlərinə sərfəli qiymətlərlə səyahətlər təşkil edir.
“Bank of Baku” www.bolkart.az saytının rusdilli versiyasını istifadəyə verib.
PAŞA Bank və British Council Azərbaycan böyük məmnuniyyətlə hər il keçirilməsi ənənə halını almış ‘Gələcəyə Təşəbbüs Yazı Müsabiqəsi 2014’ layihəsinin qaliblərini elan edir. Layihənin məqsədi iqtisadi yüksəliş, islahatlar və inkişaf ilə bağlı tezisləri əsas tutaraq, gələcək inkişaf uğrunda həyata keçirilən proseslərdə gəncləri daha fəal iştiraka həvəsləndirməkdir.
