Müəllif: Tamara Mustafayeva, Banco.az
ABŞ-da yerləşən “Meta” texnologiya şirkəti aylarla davam edən işə qəbuldan sonra süni intellekt şöbəsində işə qəbulu dayandırıb.
Banco.az xəbər verir ki, “Wall Street Journal” qəzetinin mövzuya yaxın rəsmilərə istinadən yaydığı xəbərə görə, “Meta” bu il “OpenAI”, “Google DeepMind”, “Apple”, “xAI” və “Anthropic” kimi şirkətlərdən 50-dən çox tədqiqatçı və mühəndisi öz komandasına cəlb edib.
Şirkətin baş direktoru Mark Zukerberqin şəxsən iştirak etdiyi işə qəbul prosesində bəzi tədqiqatçılara 100 milyon dollardan çox təklif olunub.
Keçən həftə qüvvəyə minən işə qəbulun dondurulması qərarı bölmə daxilində əməkdaşların müxtəlif komandalar arasında keçid etməsini də məhdudlaşdırır.
Rəsmilərin sözlərinə görə, müddəti açıqlanmayan bu qərara yalnız “Meta”nın Süni İntellekt Direktoru Aleksandr Vanqın təsdiqi ilə istisna edilə bilər.
Bizi sosial şəbəkələrdən izləyin!!
