Müəllif: Gülnar Əhmədli, Banco.az
Ölkənin ən böyük banklarından biri olan "Bank Respublika" 2023-cü ilin dördüncü rübü üzrə maliyyə göstəricilərini açıqlayıb.
Banco.az Bankın maliyyə hesabatına istinadən xəbər verir ki, 2022-ci illə müqayisədə "Bank Respublika"nın xalis mənfəəti 2023-cü ildə 13 milyon 601 min manat 51% artaraq 40,3 milyon manata çatıb.
2022-ci ildə bu göstərici 26,6 milyon manata bərabər olub.
Bankın aktivləri isə ötən il 546 milyon 119 min manat və ya 34,5% artaraq 2,1 milyard manat təşkil edib ki, bu da ölkə bankları arasında ən yüksək göstəricilərdən biridir.
2023-cü ildə bankın depozit portfeli illik müqayisədə 49,5% artaraq 1,4 milyard manata çatıb. Bankın kredit portfeli isə 1 milyard 174 milyon 229 min manata yüksəlib ki, bu da 2022-ci illə müqayisədə 22% artım deməkdir.
Bizi sosial şəbəkələrdən izləyin!!
