Müəllif: Gülnar Əhmədli, Banco.az
Dünya Qızıl Şurasının (WGC) məlumatına görə, 2026-cı ilin ikinci rübündə qlobal qızıl istehsalı rekord həddə - 966 tona çatıb ki, bu da 2000-ci ildən bəri hesabat dövrü üçün ən yüksək göstəricidir.
Banco.az TASS-a istinadən xəbər verir ki, 2026-cı ilin ikinci rübündə qızıl istehsalı 2025-ci ilin ikinci rübündəki 948 tonluq əvvəlki rekordu təxminən 2% üstələyib.
İstehsal həcmi mövsümi amillər səbəbi ilə əvvəlki rüblə müqayisədə 7% artıb.
Şuranın hesabatına görə, ikinci rübdə Kanada (+29%), Çili (+24%), Burkina Faso (+17%) və Qana (+8%) kimi ölkələrdə illik əhəmiyyətli istehsal artımı qeydə alınıb.
Bununla yanaşı, təhlükəsizlik və geoloji amillər səbəbindən ikinci rübdə bir sıra ölkələrdə istehsal həcmləri azalıb. İstehsalın azalması Nikaraquada (illik müqayisədə -33%), Meksikada (-23%), ABŞ-də (-12%) və Çində (-8%) qeydə alınıb.
Bizi sosial şəbəkələrdən izləyin!!
