Müəllif: Tamara Mustafayeva, Banco.az
“OpenAI” o1 modelini təqdim edir: Daha dərin təfəkkür, daha güclü həllər
Banco.az xəbər verir ki, “OpenAI” fəlsəfə doktoru olan insanlara bərabər “mülahizə yürütmə” bacarıqlarına malik süni intellekt modelini təqdim edib.
“OpenAI” mülahizə və problemlərin həllində ixtisaslaşmış o1 model seriyasını elan edib.
o1-preview və o1-mini adlanan bu modellər mürəkkəb tapşırıqlara daha düşünülmüş şəkildə yanaşır, cavab verməzdən əvvəl daha çox “düşünməyə” vaxt sərf edir. Bu metodologiya xüsusilə elm, riyaziyyat və kodlaşdırma kimi sahələrdə süni intellektin insana bənzər düşünmə qabiliyyətini gücləndirir.
Layihə ötən cümə axşamı o1 adı ilə rəsmi olaraq istifadəyə verilib və hazırda həm ChatGPT platformasında, həm də API vasitəsilə əlçatandır.
Qeyd edək ki, o1 modelinin ən diqqətçəkən xüsusiyyəti zamanla cavablarını təkmilləşdirə bilməsidir. Strategiyalarını təkrarlamaqla model öz səhvlərini tanıyır və beləliklə, daha etibarlı həllər təmin edə bilir.
Yaxın dövrlərdə modelə skan etmə, fayl və şəkil yükləmə kimi əlavə xüsusiyyətlər əlavə ediləcək.
Bizi sosial şəbəkələrdən izləyin!!
