İxrac – ölkədə istehsal olunmuş və ya başqa ölkələrdən gətirilmiş malların ölkə sərhədlərindən kənara göndərilməsidir. Ölkənin öz istehsalı sayılan mallara, həmçinin ölkəyə gətirilən və təkrar emal olunaraq əsas kəmiyyət və keyfiyyət göstəricilərini dəyişən xarici mənşəli mallar da daxil edilir.
İxracın dəyərinin qiymətləndirilməsi FOB qiymətləri və ya mal ixrac edən ölkənin franko-sərhəd qiymətləri üzrə aparılır, yəni malın qiymətinə onun dəyəri, ölkənin quru sərhədlərinə və ya göndərmə limanına çatdırılması və gəmi bortuna yüklənməsi xərcləri daxil edilir.

E-ixrac bir ölkədən digərinə ticarətdir. Xarici ticarət deməkdir. Daha əvvəl, yalnız B2B məhsulu klassik ixrac kimi istifadə edilirdisə, indi B2C modeli ilə e-ixrac etmək mümkündür. Eyni zamanda e-commerce proqram şirkətləri E-ixrac üçün yol açmaq üçün çalışırlar.

E-İxrac edə bilmək üçün nələri bilmək lazımdır?

Satış edəcəyiniz məhsulu tanımaq, onu yaxşı sata bilmək, e-ixracat edəcəyiniz ölkələrdəki iş şərikləriniz ilə davamlı ünsiyyət halında olmaq kimi qısa maddələr ilə bunu açıqlamaq olar. Amma bu göründüyü kimi asan olmaya bilər. E-ixracınızı öz saytınızdan və ya beynəlxalq bazarlardan istifadə edərək edə bilərsiniz. Bunlar Ebay, Etsy, Amazon, Aliexpress, Walmart və digər bazarlarda ola bilər. Bu saytların üzvlərinin şərtlərini diqqətlə nəzərdən keçirərək satışı başlasanız, heç bir problem yaşamadan e-ixrac edə bilərsiniz. Siz öz saytınız vasitəsilə beynəlxalq bazarlarda E-ixrac də edə bilərsiniz. Öz saytınız üzərindən e-ixracat etmək istəyirsinizsə əvvəlcə web saytınızın dilini və xarici ödəmə variantları inteqrasiyasını düzgün bir şəkildə quraşdırmalısınız. Bunun üçün E-Ticarət proqram təminatı şirkətinizlə əlaqə saxlayaraq həllər tapmaq olar. DHL kimi xarici yük şirkətləri ilə müqavilələr quraraq logistika həllərini də təmin edə bilərsiniz. Digər tərəfdən öz saytınızdan satmaq istəyirsinizsə, ölkənin ödəmə sistemlərini saytınıza daxil etməlisiniz. Məsələn, Yaxın Şərqə satmaq istəyirsinizsə, saytınıza "qapıda ödəmə" metodunu qoymalısınız. Və ya Almaniyanı hədəf alsanız, kredit kartınızı ödəmə üsulu olaraq qoyaraq Almaniyanın e-ticarət istifadəçilərinin yüzdə 91-i əldən verəcəksiniz. Almaniyada e-ticarət bazarında kredit kartı yalnız 9 faiz olduğu halda, Paypal, Giropay, Clickandbuy, Sofort Überweisung elektron ödəniş sistemləri, istifadə nisbəti yüzdə 43 kimidir. 

Sosial media ölkəmizdə və dünyada vacib bir gücdür. Güclü bir sosial media hesabı olan bir saytın etibarlı qəbul edilməsi yeni müştərilər üçün daha asandır. Sosial media hesablarınızı gündəlik paylaşımlarla qüvvətləndirin. 

Bazarı çox yaxşı təhlil etmək üçün analitik mütəxəssisləri ilə işləyə və ya öz müşahidələrinizə əməl edə bilərsiniz. Monitorinq zamanı bazarda mənfəət, zərər, fayda və təhdid elementlərini bilmək, satışlarınıza birbaşa təsir edəcək strategiyalar hazırlamağa çalışın.

E-ixracın ən böyük giriş baryeri, biznesin lojistika hissəsidir. Praktikada kimsə məhsul qiymətindən daha çox yük pulu ödəmək istəməz. Bu baxımdan, burada bütün variantları nəzərdən keçirmək lazımdır.

E-ixracatçısanız, ölkəmizdəki insanlardan çox fərqli olanlara müraciət edirsiniz. Ölkənizdə e-ticarət hədəf auditoriyanızla e-ixrac hədəf kütləsi eyni ola bilməz. Buna görə də doğru ünsiyyət vasitəsini seçməlisiniz.

İstehsal etmək və istehsal olunan mal və xidmətlərin daxili bazardan başqa qlobal bazara da çıxarılması və satışı dünyada rəqabət aparan ölkələr arasına girə bilmək üçün olduqca vacibdir. 

Pərvanə Aslanova, Banco.az