“Bank Technique” ASC, iOs və Android əməliyyat sistemlərinin idarəetməsi ilə işləyən mobil qurğular üçün yeni mobil əlavəni təqdim edib.
“TechNetwork” adlı əlavə, tez və rahat şəkildə, ən yaxın xidmət nöqtəsini – filial və ya şöbəni, bankomatı (ATM), notariat rüsumları və DYP cərimələrinin ödənilməsi üçün e-kioskları və Bankın pos-terminallarını tapmağa imkan yaradır. Həmçinin, əlavə vasitəsilə əsas valyutaların mübadilə kursunu da real vaxt rejimində öyrənmək mümkündür. “TechNetwork” istifadə rahatlığı ilə seçilir və ən yaxşı nəticəni əldə etmək üçün bir sıra üstünlüklərə malikdir.
Mobil qurğuların sahibləri yeni proqramı artıq App Store və Google Play virtual əlavələr mağazalarından pulsuz yükləyə bilərlər.
App Store - https://itunes.apple.com/app/technetwork/id874873932?mt=8
Google Play - https://play.google.com/store/apps/details?id=com.learnsolve.banktechnique.
Əlavəni, mağazaların axtarış sahəsinə “TechNetwork” və ya “Bank Technique” sözlərini daxil edərək də tapmaq mümkündür.
Məlumat üçün:
1994-cü ildən Azərbaycanın maliyyə xidmətləri bazarında fəaliyyətə başlayan “Bank Technique” Açıq Səhmdar Cəmiyyəti (ASC), 2012-ci ilin sentyabr ayında həyata keçirdiyi uğurlu rebrendinq nəticəsində, innovativ və qabaqcıl bank imicini yarada bilib. Özəl bank sektorunda uğurlu və sürətli inkişaf mexanizmi ilə fərqlənən “Bank Technique” ASC, Azərbaycanda geniş spektrdə bank və maliyyə xidmətləri göstərir.
Hazırda “Bank Technique”in 31 filial və 22 şöbəsi Bakı, Gəncə, Sumqayıt, Abşeron, Mingəçevir, Quba, Qəbələ, Beyləqan, Biləsuvar, Neftçala, Zaqatala, Cəlilabad, Ağstafa, Lənkəran, Balakən və Tərtərdə müştərilərin xidmətindədir.
Daha ətraflı məlumat üçün www.banktechnique.az saytına baxa bilərsiniz.
