“DəmirBank”ın Novruz bayramı münasibətilə “28 Mall” ticarət mərkəzində düzənlədiyi bayram aksiyası davam edir. Aksiyada Novruz bayramının ənənələrini özündə əks etdirən yarışma və müsabiqələr keçirilir. Bank yarışma və müsabiqə iştirakçıları ilə yanaşı, bayram askiyasına qatılan hər bir kəsə kreditlərdə 3% endirim, depozitlərdə 1% əlavə faiz əldə etmək hüququ verən xüsusi imtiyaz kuponları da təqdim edir.
Novruz bayramı öncəsi Unibank dəyərli müştərilərinə daha bir sürpriz etdi. Unibank-ın plastik kart sahiblərinə bankın xoş xəbəri var - valyuta məzənnəsinin dəyişməsi nəticəsində kart hesablarından əlavə silinmiş məbləğlər müştərilərə geri qaytarılıb. Unibank-ın “Kart Prossesinq” departamentinin rəhbəri İlqar İbrahimov bildirib ki, Unibank hər zaman müştəri məmnuniyyətini əsas tutaraq, onların gözləntilərini qarşılamağa çalışır.
Expressbank istirahət günləri elan edilən 23, 24 və 25 mart tarixlərində müştərilərə xidmət göstərəcək. Qeyd edilən tarixlərdə Expressbank-ın MXD, Yasamal, Mərkəz, Neftçilər, Sumqayıt, Mingəçevir, Gəncə, Şirvan, Xaçmaz və Qusar filialları saat 10:00-dan 14:00-dək işləyəcək.
Novruz bayramını ən böyük səməninin yanında, Kosa və Keçəllə yumurta döyüşdürə- döyüşdürə qeyd etmək istərdinizmi? Üstəlik Kosa və Keçəldən bayram payı almaq lap yaxşı olardı. Bəlkə inandırıcı deyil, amma şəhərə pay yığan yox, böyüklü-kiçikli hər kəsə bayram payı paylayan Kosa gəlib. Özü də Unibankın “28 Mall” Ticarət Mərkəzində təşkil etdiyi bayram şənliyində iştirak edir.
“DəmirBank” Novruz bayramı münasibətilə təqdim etdiyi “DəmirTaksit” kartı üzrə nağdılaşdırma limitini martın 27-dək ləğv etdi. Bu limitin aradan qaldırılması müştəriyə kartdakı məbləğin 100 faizini nağlaşdırmaq imkanı verəcək.
“DəmirBank” “Əmanət çeşidi” programı üzrə əhaliyə təklif edilən “Göy”, “Qırmızı”, “Sarı” və “Uşaq” əmanət növlərinin manat üzrə illik faiz dərəcələrini artırıb. Belə ki, “Göy” əmanət növünün illik faiz dərəcəsi 17% -dək, “Qırmızı” əmanət növünün illik faiz dərəcəsi 14 % -dək, “Sarı” əmanət növünün illik faiz dərəcəsi 11%-dək, “Uşaq” əmanət növünün illik faiz dərəcəsi isə 12 %-dək artırılıb.
Azərbaycanın ən iri banklarından biri PAŞA Bank rəsmi veb-saytın yeni versiyasını işə saldı. Sayt beynəlxalq standartlara uyğun olaraq hazırlanmışdır, məzmununa görə optimallaşdırılmışdır və istifadədə maksimum rahatdır.
