Dünya bazarlarında neft qiymətləri ABŞ Prezidenti Donald Trampın İranla bağlı açıqlamalarından sonra enişini davam etdirir.
Banco.az xəbər verir ki, Londonun ICE Futures birjasında yanvar ayı üçün “Brent” markalı neftin fyuçerslərinin qiyməti 1,12 dollar və ya 1,21% azalaraq bir barel üçün 91,45 dollar təşkil edib.
Əvvəlki ticarət sessiyasında isə “Brent” nefti 5,85% ucuzlaşaraq 92,57 dollara düşüb.
Nyu-Yorkun NYMEX birjasında dekabr ayı üçün WTI markalı neftin fyuçersləri 1,13 dollar və ya 1,3% ucuzlaşaraq bir barel üçün 85,72 dollara enib.
Qeyd edək ki, əvvəlki sessiyada WTI neftinin qiyməti 4,38% azalaraq 86,85 dollar təşkil edib.
