Müəllif: Gülnar Əhmədli, Banco.az
Ölkənin aktivlərinin həcminə görə ən böyük bankı olan Azərbaycan Beynəlxalq Bankı (ABB) 2024-cü ilin birinci rübünü 80 milyon 607 min manat xalis mənfəətlə başa vurub. Bu, 2023-cü ilin yanvar-mart ayları ilə müqayisədə 205 min manat artım deməkdir. 2023-cü ilin eyni dövründə bankın xalis mənfəəti 80 milyon 402 min manat olub.
Banco.az Bankın maliyyə göstəricilərinə istinadən xəbər verir ki, hesabat dövründə ABB-nin aktivləri 13 milyard 189 milyon 302 min manata (illik müqayisədə 14% çox) bərabər olub.
Bankın kredit porfeli isə 5 milyard 341 milyon 495 min manat təşkil edib. Bu da 1 il əvvəllə müqayisədə 1 milyard 746 min 664 manat və ya 48,6% çoxdur.
Qeyd edək ki, ABB-nin depozit porfeli cari ilin 1 aprel tarixinə 9 milyard 490 milyon 179 min manat təşkil edib. Bunun da 2 milyard 82 milyon 987 min manatı fiziki şəxslərin depozitləri, 7 milyard 407 milyon 192 min manatı isə hüquqi şəxslərin depozitləri olub.
Bizi sosial şəbəkələrdən izləyin!!
