Bank of Azerbaijan “Milli Bayraq günü” bayramı münasibəti ilə bütün Azərbaycan xalqını təbrik edir. Bank bayram günlərində də müştərilərinə xidmət etməkdə davam edəcək.
Noyabrın 09-dən 10-dək Bakı şəhərində 18 saylı filial, regionlarda isə “Sumqayıt” və “Gəncə” filialları saat 13.00-dan 22.00 - dək müştərilərə xidmət göstərəcək. 11 noyabr bank üzrə istirahət günüdür.
Bu gün Bakı Metropoliteni işçiləri öz peşə bayramını qeyd edirlər. Metropoliten işçilərini əməkhaqqı kartları ilə təmin edən Bank olaraq, “Bank Technique” onları peşə bayramı münasibətilə tərik edir və güzəştli şərtlərlə kreditlərdən yararlanmağı təklif edir.
Kapital Bankın filiallarında bank məhsulu və xidmətlərinin satışı ilə məşğul olan işçilərin əməyinin stimullaşdırılması məqsədilə keçirilən müsabiqənin oktyabr ayı üzrə qalibləri məlum olub.
Bank Standard MilliÖn xidməti ilə əməkdaşlıq çərçivəsində bankın müştərilərinə göstərilən xidmətlərin arasına yeni birisini əlavə etdi. İndi Bank Standard tərəfindən buraxılan bütün aktiv debet kartların* sabiləri MilliÖn terminalları vasitəsi ilə hesablarına pul qoya biləcəklər.
Pulu hesaba iki növ pul vahidində - ABŞ dolları və AZN-da alınan kartların sahibləri qoya bilərlər. Əməliyyatı MilliÖn-a məxsus bütün terminallarda etmək mümkündür.
02 Noyabr 2013-cü il tarixində NBC Bank ASC-nin Baş ofisində Azərbaycan Dövlət İqtisad Universitetinin “Bank işi” Kafedrasının müdiri, İqtisad elmləri doktoru, Professor Məmmədov Zahid Fərrux oğlu və ADIU-nin “Bank işi” kafedrasının tanımış dosenti Rzayev Ramiz Mürsəl oğlu tərəfindən Bank əməkdaşlarına seminar keçirilib. Seminarda “Qlobal maliyyə böhranı, antiböhran siyasəti: dünya təcrübəsi və Azərbaycan reallıqları” mövzusu müzakirə edilmişdir.
Banka istinadən verilən xəbərə görə, buna görə pensiyaçıdan heç bir əlavə komisyon haqqı tələb olunmur.
Noyabrın 1-dən Bank BTB yeni endirim kampaniyasına start verdi. İndi Visa premium kartlarının qiyməti daha əlverişli olur. Kampaniya çərçivəsində Visa Gold kartını 20 AZN, Visa Platinum kartını isə cəmi 25 AZN-ə əldə etmək mümkündür. Üstəlik plastik kartı sifariş etdikdə sığorta depoziti tələb olunmur. Bu kampaniyanın əsas məqsədi nağdsız ödənişləri stimullaşdırmaq və müştəri məmnuniyyətini artırmaqdır. Cəlbedici qiymətlərlə premium kartlarını almaq imkanı 20 dekabr 2013-cü il tarixinədək olacaqdır.
TuranBank, 8-13 noyabr tarixləri aralığında peşə bayramları münasibətilə Bakı Metropoliteninin əməkdaşları üçün bankın mövcud istehlak kreditlərinin illik faizlərində 3% endirim edir! Göstərilən tarixlərdə bankın istənilən filialına müraciət etməklə qeyd olunan endirimdən yararlanmaq mümkündür.
“Muğanbank” ASC Özəl Sektorun İnkişafı üzrə İslam Korporasiyası (ICD) ilə üç milyon dollar məbləğində maliyyə müqaviləsi imzalayıb. Bu barədə bankın İctimaiyyətlə Əlaqələr şöbəsinin məlumatında deyilir.
Müqavilə çərçivəsində alınacaq vəsaitlər istehsal, ticarət, sənaye, kənd təsərrüfatı və digər sahələrdəki kiçik və orta sahibkarların layihələrinin maliyyələşdirilməsinə yönəldiləcəkdir.
Kapital Bankın Daşkəsən rayon filialının bir neçə əməkdaşı barədə 2012-ci ildə açılmış cinayət işinin istintaqının yekunlaşması barədə yayılan məlumatlara Bankın mətbuat xidmətindən də münasibət bildirilib.
