Samsung Micro RGB Azərbaycanda: bir ekran, hər gün yeni təcrübə

Evdə konsolda oyun oynayan istifadəçi, dostları ilə futbol matçına baxan ev sahibi və ailəsi ilə film gecəsi keçirən tamaşaçı televizordan fərqli gözləntilərə malikdir. Samsung 2026-cı ilin ən güclü modellərindən biri olan Micro RGB ilə bu fərqli ssenariləri bir ekranda birləşdirməyi hədəfləyir. Bəs model real istifadədə bu ssenarilərin öhdəsindən necə gəlir? Micro RGB haqqında əsas suallara birlikdə nəzər salaq.

Micro RGB texnologiyası nə edir?

Micro RGB texnologiyasında arxa işıq qırmızı, yaşıl və mavi mikro LED-lərdən qurulub, yəni rəng birbaşa işıq mənbəyində formalaşır. Nəticədə nəhəng ekranda belə dənəvərlik və zərrəcik effekti yoxdur, rəng sahəsi BT.2020 standartının 100%-ni əhatə edir.

Neo QLED və OLED-dən köklü fərqi nədir?

Micro RGB-nin əsas fərqi rəng və parlaqlığın idarə olunma üsulundadır. Mikro LED-lərin ayrıca idarə edilməsi sayəsində ekran yüksək parlaqlıqda belə detallı və sabit görüntü təqdim edir. Bu quruluş onu Neo QLED və OLED texnologiyalarından fərqləndirir.

Hansı ölçü hansı gündəlik vərdişə uyğundur?

Ölçünü otağınıza və vərdişinizə görə seçin. 65 düym konsol və gündəlik izləmə üçün rahat seçimdir, orta ölçülü qonaq otağına yaxşı uyğun gəlir. 75 düym dostlarla futbol və film izləmək üçün idealdır. 85 düym ailəcə film gecələrini kiçik kinoteatra çevirir. 115 düym isə geniş məkanı və maksimum kinoteatr effektini istəyənlər üçündür.

Samsung Micro RGB kimlər üçün nəzərdə tutulub?
Micro RGB müxtəlif istifadə ssenarilərini bir televizorda birləşdirmək istəyən istifadəçilər üçün hazırlanıb: yüksək keyfiyyətli film və seriallara baxmaq, canlı idman yayımlarını izləmək, konsol oyunları oynamaq və televizoru Smart ev sisteminə inteqrasiya etmək. Dizayna önəm verənlər üçün isə Infinity Air Design televizoru interyerin təbii bir hissəsinə çevirir. Generative Wallpaper funksiyası isə ekranı hətta söndürüldükdə belə otaq dekorunun davamına çevirir.

Oyun oynayanlar üçün əlavə üstünlük varmı?

Bəli — Motion Xcelerator 165 Hz yenilənmə tezliyi və dörd HDMI 2.1 portu ilə növbəti nəsil konsollar əlavə avadanlıq olmadan birbaşa qoşulur.

Futbol matçı izləyərkən nə fərqlənir?

Süni intellekt dəstəkli AI Football Mode rejimi topun və oyunçuların hərəkətini bulanıqlaşdırmadan göstərir: böyük ekran otağını stadion tribunasına çevirir.

Köhnə, aşağı keyfiyyətli yayımları izləmək necə olur?

Micro RGB AI Engine Pro prosessoru və AI Upscaling Pro texnologiyası bu cür görüntünü avtomatik olaraq 4K-ya yüksəldir.

Gündüz işığı ekranın görüntüsünə mane olurmu?

Xeyr. Böyük ekranlı televizorların ən çox şikayət edilən tərəfi gündüz saatlarında ekrandakı işıq əksidir. Micro RGB-yə Samsung-un 2025-ci il flaqman modellərində sınaqdan keçirilmiş Glare Free örtük tətbiq olunub — nəticədə günorta saatlarında belə görüntü solğunlaşmır və aydınlığını qoruyur.

Görüntü ilə yanaşı səs tərəfi necə həll olunub?

Object Tracking Sound obyektin ekrandakı hərəkətinə uyğun olaraq səsi istiqamətləndirir. Dolby Atmos isə üçölçülü, həcmli səs mühiti yaradır. Hər ikisi əlavə səs sistemi almadan tam təcrübə vəd edir.

Televizor "ağıllı ev" sistemi ilə necə inteqrasiya olunur?

Televizor One UI Tizen platformasında işləyir, Samsung Vision AI-ı dəstəkləyir və SmartThings vasitəsilə evin idarəetmə mərkəzinə çevrilir. Quraşdırılmış SmartThings Hub sayəsində uyğun işıqları, rozetkaları, kondisioneri və digər cihazları birbaşa televizordan idarə etmək mümkündür.
Galaxy Watch-u isə televizora SmartThings vasitəsilə qoşmaq olur: evdə məşq zamanı film və ya seriala baxa-baxa məşq müddətini, kaloriləri və ürək döyüntüsünü böyük ekranda izləyə bilərsiniz.

Texniki xüsusiyyətlər