ABŞ-nin dövlət borcu tarixdə ilk dəfə 36 trilyon dolları keçib.

Banco.az xəbər verir ki, bunu ABŞ-nin “Debt Clock” xidmətinin məlumatları sübut edir.

Xidmətlər bazasında “ümumi dövlət borcu” sütununda noyabrın 15-nə olan məbləğ 36 trilyon dollar olaraq göstərilib. Bu, rekord göstəricidir. Yanvarın əvvəlində bu rəqəm 34 trilyon dolları ötüb.

Avqust ayında “Fox Business” nəşri, Konqresin Büdcə Ofisinin məlumatlarına istinad edərək, ABŞ-nin dövlət borcunun növbəti onillikdə 54 trilyon dollara çata biləcəyini yazmışdı. Materialın müəllifləri qeyd ediblər ki, bu borc reallaşarsa, ABŞ-nin dünya səhnəsindəki statusunu təhlükə altına salacaq.

Qeyd edək ki, Birləşmiş Ştatlar qlobal iqtisadiyyatın 35,6%-ni təşkil edən ən yüksək dövlət borcuna malikdir. İkinci yerdə 14,9 trilyon dollar və ya qlobal ÜDM-in 14,1%-nə bərabər olan borcu ilə Çin qərarlaşıb.