Azərbaycanın ən iri banklarından biri – PAŞA Bank – “Biznes Dialoq” biznes-klubunun təşkilati dəstəyi ilə yay “Gənc Sahibkar Məktəbi”nin şagirdləri üçün “Açıq qapı günü” keçirmişdir.
Tədbir çərçivəsində uşaqlar üçün əyləncəli formada “Kredit və depozit nədir?”, “Plastik kartlar nə üçün lazımdır?”, “Evdən bank əməliyyatları” və s. mövzularda təqdimatlar edilmişdir. PAŞA Bankın əməkdaşları təşkilatda işə qəbul prosesi, fəaliyyətin qiymətləndirilməsi və hər bir əməkdaşın ixtisasının artırılması proseslərinin necə aparıldığı barədə danışmışlar.
Gənc dinləyicilər həmçinin Banka ekskursiya etmişlər. Onlar müvafiq departamentlərin təşkilatının bir neçə il öncədən fəaliyyət strategiyasını necə hazırladığını, müştərilərə xidmət prosesinin necə qurulduğunu, bankın treyderlərinin necə işlədiyini və bir çox başqa məsələləri öyrənmişlər. Tədbirin sonunda “Gənc Sahibkar Məktəbi”nin şagirdlərinə xatirə hədiyyələri təqdim edilmişdir.
Qeyd edək ki, PAŞA Bank “Açıq qapı günü”nü Azərbaycan Mərkəzi Bankının ölkənin kommersiya bankları ilə əməkdaşlıqda reallaşdırdığı “Maliyyə savadlılığı” layihəsi çərçivəsində keçirmişdir.
PAŞA Bank
Əmir Məmmədov
Korporativ Kommunikasiyalar Departamenti
Telefon: 012 496 5000
Elektron poçt ünvanı: amir.mammadov@pashabank.az
Bank haqqında:
PAŞA Bank – Azərbaycanın aparıcı korporativ bankıdır. 2007-ci ildə təsis olunmuş Bank, geniş spektrli korporativ bank xidmətlərini göstərir, eləcə də kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri. Baş ofis və 9 Biznes-mərkəzləri ilə təmsil olunan PAŞA Bankda 300 çox əməkdaş çalışır. “Europe Banking Awards” 2011, 2012, 2013 çərçivəsində Bank “Azərbaycanın ən yaxşı İnvestisiya Bankı” elan olunmuşdur, 2013-2014-cü illərdə isə "World Finance" tərəfindən "Best Private Bank in Azerbaijan" adına layiq görülmüşdür.
PAŞA Bank Azərbaycanın iri investisiya Holdinqi olan və sığorta, inşaat, inşaat materiallarının istehsalı, turizm və eləcə də biznesin digər sahələrində geniş təmsil olunan PAŞA Şirkətlər Qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da PAŞA Şirkətlər Qrupuna aiddir.
