22 avqust 2015-ci il tarixində Embawood MMC şirkəti Bakı Fond Birjasında 10 mln. AZN istiqraz buraxılışından yaranmış maliyyə öhdəliyini tamamilə yerinə yetirmişdir. İstiqrazlar Azərbaycanın ən iri banklarından biri - PAŞA Bank tərəfindən 2014-ci ilin avqust ayında 1 illik müddətinə dövriyyəyə buraxılmışdır.
Qeyd edək ki, PAŞA Bank bu günədək 15 (213 milyon AZN) korporativ istiqraz yerləşdirməsində şirkətlərə uğurlu marketmeykinq və anderraytinq xidmətləri göstərmişdir. Reallaşdırılan sövdələşmələrin nəticəsində PAŞA Bank öz kateqoriyalarında dünyanın ən nüfuzlu maliyyə jurnallarından biri olan - “EMEA Finance” tərəfindən bir neçə dəfə “İlin ən yaxşı investisiya bankı” elan olunmuşdur.
Öz növbəsində “Embawood” şirkəti davamlı şəkildə dəqiq və vaxtında bütün maliyyə öhdəliklərini yerinə yetirməkdə iddialıdır və gələcəkdə Azərbaycanın maliyyə bazarlarında təkrar istiqrazların uğurlu yerləşdirilməsinə ümid edir.
PAŞA Bank
Əmir Məmmədov
Korporativ Kommunikasiyalar Departamenti
Telefon: 012 496 5000
Elektron poçt ünvanı: amir.mammadov@pashabank.az
Bank haqqında:
PAŞA Bank – Azərbaycanın aparıcı korporativ bankıdır. 2007-ci ildə təsis olunmuş Bank, geniş spektrli korporativ bank xidmətlərini göstərir, eləcə də kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri. Baş ofis və 9 Biznes-mərkəzləri ilə təmsil olunan PAŞA Bankda 300 çox əməkdaş çalışır. “Europe Banking Awards” 2011, 2012, 2013 çərçivəsində Bank “Azərbaycanın ən yaxşı İnvestisiya Bankı” elan olunmuşdur, 2013-2014-cü illərdə isə "World Finance" tərəfindən "Best Private Bank in Azerbaijan" adına layiq görülmüşdür.
PAŞA Bank Azərbaycanın iri investisiya Holdinqi olan və sığorta, inşaat, inşaat materiallarının istehsalı, turizm və eləcə də biznesin digər sahələrində geniş təmsil olunan PAŞA Şirkətlər Qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da PAŞA Şirkətlər Qrupuna aiddir.
