Oktyabrın 25-də “Bakı Fond Birjası” QSC-də Maliyyə Nazirliyinin dövlət istiqrazları üzrə iki hərrac keçiriləcək.
BFB-dən verilən məlumata görə, bir istiqrazın nominal dəyəri 100 manat, ümumi həcmi 10 mln. manatdır.
Qlobal bazarda neftə məcmu tələb 2035-ci ildə 87 mln. barel/gün təşkil edərək cari tələbdən 7% az olacaq.
Bank olmayan kredit təşkilatı (BOKT) — xüsusi razılıq (lisenziya) əsasında kreditlərin verilməsi və bu “Bank olmayan kredit təşkilatları haqqında qanun”la nəzərdə tutulmuş digər fəaliyyət növlərini həyata keçirən ixtisaslaşmış kredit təşkilatıdır.
Azərbaycan Beynəlxalq Bankı (ABB) yeni inkişaf strategiyasına uyğun olaraq biznes proseslərini optimallaşdırır. Bankda sənəd dövriyyəsi işi də yeni dövrün tələblərinə uyğunlaşdırılır. Bu məqsədlə ABB-də “Office 365” proqramının tətbiqinə başlanıb. Layihə proqram təminatı bazarının liderlərindən olan “Softline” şirkəti ilə əməkdaşlıq çərçivəsində yerinə yetirilib.
“ASB Bank” ASC 2016-cı ilin 3-cü rüb göstəricilərini açıqlayıb.
Azərbaycan Dövlət Neft Şirkətinin (SOCAR) istiqrazları üzrə market-meyker fəaliyyətini həyata keçirən "PSG Kapital" investisiya şirkəti qiymətli kağızların təkrar bazarı üzrə alış-satış qiymətlərini artırıb. Bu barədə "Report" Bakı Fond Birjasına istinadən xəbər verir.
Dolların əsas valyutalar səbətinə qarşı məzənnəsi 8 aylıq maksimumu yeniləyib. "APA-Economics" xəbər verir ki, buna səbəb ilin sonunadək Federal Ehtiyatlar Sistemi (FED) tərəfindən uçot dərəcəsinin qaldırılması ilə bağlı ehtimalların artmasıdır.
Cari ilin avqust ayında Azərbaycanda kredit kartları ilə ölkə daxilində 188 mln. manat həcmində 946 min əməliyyat həyata keçirilib. "Report"un Mərkəzi Banka istinadən verdiyi xəbərə görə, aylıq müqayisədə əməliyyatların həcmində 40 mln. manat və ya 27%, əməliyyatların sayında isə 93 min və ya 11% artım olub.
İsveçin telekommunikasiya nəhəngi "TeliaSonera" səhmdarı olduğu "Fintur Holdings"in satışı prosesinə 2017-ci ildə başlayacaq. "APA-Economics" xəbər verir ki, bu barədə şirkətin açıqlamasında deyilir.
