21 iyunda Qara Dəniz Ticarət və İnkişaf Bankı (QDTİ) tərəfindən Bakıda təşkil olunmuş biznes forumda TBC Kredit və QDTİ arasında rəsmi kredit müqaviləsi imzalanmışdır. Müqaviləyə əsasən TBC Kreditə Azərbaycanda kiçik və orta sahibkarlığın inkişafı üçün 4 mln.dollar ayrılmışdır.
Unibankda kredit ödəmək daha cəlbedici oldu. İyunun 24-dən avqustun 31-dək Unibank “Kreditinizi ödəyin və qazanın” adlı tirajlı stimullaşdırıcı lotereya keçirir. Lotereya müddətində Unibanka olan kredit ödənişlərini ölkə üzrə Azərpoçt filiallarından, Milli Ön paypointlərindən və Online formada (www.unibank.az və www.hesab.az saytlarında) həyata keçirən müştərilər, pul uduşları qazanmaq şansı əldə edəcəklər.
DəmirBank həftənin bütün günləri 24 saat fasiləsiz müştəri xidmətinin inkişafı məqsədilə yeni ödəniş terminalları vasitəsilə kredit ödənişlərinin qəbuluna başlayıb. Bankın filiallarının fasad hissəsində quraşdırılan terminallarda istənilən vaxtı kredit ödəmək mümkündür.
İyunun 18-də keçirilən “Netty 2013”-ün mükafatlandırma mərasimində Bank Standard “İlin yeni korporativ saytı” nominasiyasında qalib elan olundu. Qeyd edək ki, Bank Standard-ın yeni veb-saytı ümumi korporativ rebrendinq çərçivəsində hazırlanmışdır. “NETTY” – ölkəmizdə informasiya texnologiyaları üzrə təltif olunan ilk və yeganə milli peşəkar mükafatdır.
“Bank of Baku”-nun MasterCard loqolu Bolkartı təqdim etməsi müştərilərin böyük marağına səbəb olub. Bir həftə ərzində artıq minlərlə müştəri bu plastik kartı əldə edib. İndi onlar Bolkart MasterCard sayəsində həm Azərbaycanda, həm də MasterCard loqosu olan dünyanın istənilən ticarət mərkəzində alış-veriş edə bilirlər. Bundan savayı, Bolkart MasterCard sahibləri internet-mağazalarda arzu etdikləri malı rahat ala bilirlər.
“Bank of Azerbaijan” ASC aktivlərinin həcmi 2013-ci il iyunun 1-nə 325.8 mln. manata çatdırılıb ki, bu da ötən ilin müvafiq dövrü ilə müqayisədə 63% çoxdur. Bankın nizamnamə kapitalı isə 50 mln. manat təşkil edib.Həmçinin, əhalinin əmanətləri 85.2 mln. manata çatmışdır. Bankın kredit portfeli ötən ilin müvafiq dövrünün göstəriciləri ilə müqayisədə 75% artaraq 296.9 mln. manat təşkil etmişdir.Müvafiq dövr üzrə “Bank of Azerbaijan” ASC-nin gəlirləri artmışdır. Belə ki, Bankın faiz gəlirləri 15.2 mln. manata, qeyri-faiz gəlirləri isə 2.99 mln.
AtaBank Lider sistemi üzrə pul köçürmələrini təqdim edərək, təcili pul köçürmə xidmətləri çeşidini genişləndirib.
Müştərilərinə göstərilən bank xidmətlərinin keyfiyyətinin daha da yaxşılaşdırılması, onlarla qarşılıqlı potensial əməkdaşlığın inkişaf etdirilməsi əsas prioritetlərindən olan “Amrahbank”ın Qara Qaryev filialı artıq yeni ünvanda, Şirin Mirzəyev küçəsi 58 ünvanında fəaliyət göstərəcək.
Müştərilərin rahatlığı baxımından daha münasib yerdə yerləşən Qara Qarayev filialı təqribən 550 kv. metr sahəni əhatə etməklə, xüsusi tikilmiş iki mərtəbəli binada fəaliyət göstərəcəkdir.
AccessBank Niderland İnkişaf Bankından (FMO) 60 milyon ABŞ dolları məbləğində sindikatlaşdırılmış kredit cəlb edib. Bankın kreditorları qismində çıxış edən OeEB – Avstriya İnkişaf Bankı və PROPARCO – Fransa İnkişaf Bankı bu sövdələşməyə qoşularaq sazişin iştirakçısı oldular. Bu sövdələşmə AccessBank-ın 10 illik fəaliyyəti dövründə beynəlxalq konsorsiumdan cəlb etdiyi ən böyük təkrar maliyyələşdirmə paketidir.Bu kredit AccessBank-a mikro və kiçik sahibkarlığın maliyyələşdirilməsi istiqamətində öz fəaliyyətini genişləndirməyə kömək edəcək.
