27 noyabr 2013-cü il tarixində “Bank of Baku” daimi kredit müştəriləri olan “Dostlar klubu” üzvləri üçün “Dəyərli dostlara dəyərli hədiyyə” adlı stimullaşdırıcı lotereyanın ilk tirajı keçirilib. Lotereyaya bank nümayəndələri, “Dostlar klubu” üzvləri, münsiflər heyəti və media nümayəndələri qatılıblar. Lotereyada iştirak hüququ əldə etmiş hər müştəriyə altı rəqəmdən ibarət eyniləşdirmə kodu müəyyən edilib və bu kod müştərinin bankda qeydiyyatda olan mobil nömrəsinə SMS vasitəsi ilə göndərilib.

30  noyabr tarixində saat 22.00-da  AzTV   kanalında   “AtaHolding” ASC-nin  10  il və  “AtaBank” ASC-nin 20 illik yubileyinə həsr  edilmiş  “Что,  Где,  Когда”  oyunu  keçiriləcək.  Oyunda “AtaHolding”  Şirkətlər Qrupunun əməkdaşları   teletamaşaçılar  komandasında iştirak  edəcəklər.

Bank VTB (Azərbaycan) ASC-nin pərakəndə kredit portfeli 100 milyon ABŞ dollarına çatdırilıb. Bu artımın əsasını pərakəndə məhsulların verilməsi, yəni nağd və korporativ kanal vasitəsilə nəğd kreditlərin, girov istehlakçı kreditlərin və kredit kartlarının verilməsi təşkil edib. 

DəmirBank ad günündən 15 gün əvvəl və ya 15 gün sonra istehlak kreditləri üzrə müraciət edən müştərilərə illik faiz dərəcəsində 3% endirim təqdim edir.

Müraciət edən müştərilərə həmçinin hədiyyə qismində korporativ suvenir hədiyyə olunur. Aksiya 31 dekabr 2014-cü il tarixinədək davam edəcək.

Noyabr ayının 26-da “FİNCA Azerbaijan” Qeyri-Bank Kredit Təşkilatı Beynəlxalq Mətbuat Mərkəzində “Biliyini Kapitala Çevir” Tələbə Təqaüd Proqramının nəticələrinə həsr olunmuş mətbuat konfransı keçirdi.

Dekabr ayından başlayaraq, Fevral ayının sonuna kimi Expressbank-da “Pul köçür və hədiyyə Qazan!“ kampaniyası start götürür. “Zolotaya Korona” pul köçürmələri sistemi vasitəsi ilə, ən azı 5 (beş) pul köçürməsi göndərmiş müştərilər, dəyərli hədiyyələr əldə edəcəklər. Bankın 6 (altı) ən fəal (köçürmələrin sayı və ya dövriyyəsinə görə) müştərisinə Smartfon hədiyyə verilələcək. Kampaniyada yalnız 100 AZN məbləğindən az olmayan pul köçürmələri qeydə alınır.