Hər il Novruz bayramında korporativ müştərilərini hədiyyələrlə təbrik edən Azər Türk Bank bu il ənənəni pozdu. Belə ki, bank rəhbərliyinin qərarı ilə müştərilərə Novruz bayramı hədiyyəsi üçün nəzərdə tutulmuş büdcə hesabına müxtəlif universitetlərin SABAH qruplarında oxuyan, tədrisdə yüksək nəticələr əldə etmiş 10 nəfər tələbənin bir illik təhsil haqqı ödəniləcəkdir. Qeyd etmək lazımdır ki, Bank tərəfindən atılan bu xeyirxah addımın ikiqat səmərəsi vardır.
Britaniya parlamenti baş nazir Tereza Meyə Avropa İttifaqından çıxış proseduruna başlamaq üçün rəsmən icazə verib. "Reuters" agentliyinə istinadən verilən xəbərə görə, parlamentin hər iki palatası "Brexit"ə dəstək verib.
İnkişaf etməkdə olan ölkələr qlobal borc bazarında fəallığını artırıb. "Reuters" agentliyinə istinadən verilən xəbərə görə, ABŞ Federal Ehtiyat Sisteminin (FED) sabah, martın 15-də uçot dərəcəsinin gözlənilən artımından sonra qlobal maliyyə bazarları il ərzində daha 3 dəfə baza faiz dərəcəsinin artırılmasını proqnozlaşdırır.
Azərbaycan Respublikasının Maliyyə Bazarlarına Nəzarət Palatası (Palata) istehlakçıların Novruz bayramı ərəfəsində və bayram günlərində bank xidmətlərinə rahat çıxışının təmin edilməsi istiqamətində kompleks tədbirlər həyata keçirməkdə davam edir. Palatadan verilən xəbərə görə, Palatanın tövsiyəsi ilə Novruz bayramı ilə əlaqədar olacaq 9 qeyri-iş günlərində 30-a yaxın bankın 100-dən çox filial və şöbəsi gücləndirilmiş iş rejimində çalışacaq.
14 mart 2017-ci il tarixində Mərkəzi Bankda Dövlət Neft Fondunun da iştirakı ilə hərrac keçirilmişdir.
Expressbank milli valyutada 30 000 AZN-dək nağd pul kreditləri təklif edir. Kreditə girov qismində dövlət qeydiyyatına alınmış yaşayış və qeyri-yaşayış sahəsi çıxış edə bilər.
Bu ilin fevral ayı ərzində Azərbaycanda vergi orqanlarına 9 031 müraciət daxil olub ki, bu da ötən ilin müvafiq dövrü ilə müqayisədə 11,3% azdır. Bu barədə Vergilər Nazirliyinin Media və Kommunikasiya Mərkəzindən məlumat verilib.
“Bizim konvertasiya oluna bilən valyuta ehtiyatlarımız xarici borcumuzdan 5 dəfədən də çoxdur. Başqa sözlə, əgər istəsək, biz xarici borcumuzu bir neçə aya ödəyə bilərik və xarici borcumuz sıfır olar”.
Maliyyə Bazarlarına Nəzarət Palatasının (Palata) Direktorlar Şurasının 13 mart 2017-ci il tarixli qərarına əsasən “Yapı Kredi Bank Azərbaycan” QSC-nin “İnşaatçılar” filialı və “Muğanbank” ASC-nin “Biləsuvar” filialına verilmiş icazələr ləğv edilib.
Bu barədə Palatadan bildirilib.
Cari ilin yanvar-fevral aylarında Azərbaycanda iqtisadi və sosial sahələrinin inkişafı üçün bütün maliyyə mənbələrindən əsas kapitala 2 093,7 mln. manat vəsait yönəldilib. Bu da əvvəlki ilin müvafiq dövrü ilə müqayisədə 258,8 mln. manat və ya 14% çoxdur.
Bu barədə Dövlət Statistika Komitəsinə istinadən xəbər verir.
