Müəllif: Tamara Mustafayeva, Banco.az
“Waymo”nun robotaksiləri Kanadaya gəlir.
Banco.az xəbər verir ki, “Alphabet” şirkətinin sürücüsüz avtomobillər bölməsi olan “Waymo” Ontario əyalətinin avtonom nəqliyyat vasitələri üzrə sınaq proqramına qoşulmaq üçün icazə aldıqdan sonra Kanada bazarına daxil olur. Bununla belə, şirkət hələlik robotaksi xidmətinə başlamır.
“Waymo” hər yeni şəhərdə oxşar yol xəritəsi üzrə hərəkət edir: əvvəlcə ərazinin xəritəsini əl ilə hazırlayır, daha sonra sınaqlara başlayır və son mərhələdə kommersiya xidmətini istifadəyə verir.
Şirkət sürücüsüz avtomobillərinin Toronto küçələrinin yüksək dəqiqlikli xəritələrini hazırlamaq üçün şəhərdə əl ilə idarə olunacağını açıqlayıb. Növbəti mərhələdə avtomobillər ictimai yollarda, salonlarında təhlükəsizlik operatoru olmaqla sınaqdan keçiriləcək.
Vaxt keçdikcə operatorlar sürücü oturacağından çəkiləcək. Daha sonra isə şirkət sakinləri robotaksilərlə daşımağa dəvət edəcək.
Bizi sosial şəbəkələrdən izləyin!!
