Müəllif - Fərid İslamov - Banco.az
Amerikan fond indeksləri çərşənbə axşamı günü mənfi nəticə ilə ticarəti tamamladı. İnvestorlar ABŞ-dan gələn statistik məlumatları qiymətləndirir və Federal Ehtiyat Sisteminin (FED) iclasının nəticələrini gözləyirlər.
ABŞ tikinti sektoru:
-
Fevral ayında ABŞ-da tikintisinə başlanan evlərin sayı əvvəlki ayla müqayisədə 11,2% artaraq illik göstəriciyə uyğun olaraq 1,501 milyon təşkil edib.
-
Yenidən baxılmış məlumatlara əsasən, yanvar ayında bu göstərici 1,350 milyon olub (əvvəllər 1,366 milyon kimi bildirilmişdi).
-
Trading Economics məlumatlarına görə, analitiklər ortalama olaraq yanvar göstəricisinin 1%-lik artımla 1,38 milyona çatacağını gözləyirdilər.
ABŞ sənaye istehsalı:
-
ABŞ-da sənaye istehsalının həcmi fevral ayında əvvəlki ayla müqayisədə 0,7% artıb.
-
Ekspertlər isə orta hesabla yalnız 0,2%-lik artım proqnozlaşdırırdılar.
Bu nəticələr fonunda Uoll-Strit bazarları FED-in iclasının nəticələrini səbirsizliklə gözləyir, çünki faiz dərəcələri ilə bağlı qərarlar maliyyə bazarlarına ciddi təsir göstərə bilər.
