Müəllif: Tamara Mustafayeva, Banco.az
OPEC+ neft hasilatını dəyişməz saxlamaq qərarını təsdiqləyib.
Banco.az xəbər verir ki, OPEC+ qlobal iqtisadi mənzərənin sabit qalması məqsədilə 2026-cı ilin birinci rübündə neft hasilatını sabit saxlamaq qərarını təsdiqləyib.
Səudiyyə Ərəbistanı, Rusiya, İraq, Birləşmiş Ərəb Əmirlikləri, Küveyt, Qazaxıstan, Əlcəzair və Omandan ibarət səkkiz əsas istehsalçı bazar sabitliyinə sadiq olduqlarını bir daha vurğulayıb.
Yanvarın 4-də onlayn formatda keçirilən iclasda qrup 2025-ci ilin noyabr ayında qəbul edilən və 2026-cı ilin fevral–mart dövrü üçün planlaşdırılan hasilat artımlarının dayandırılması qərarını qüvvədə saxlayıb. Qərarın əsaslandırılması kimi mövsümi tələbat şərtləri göstərilib.
Birgə bəyanatda qlobal neft ehtiyatlarının nisbətən aşağı səviyyədə olmasının bazarın balanslı vəziyyətdə olduğuna işarə etdiyi qeyd edilib. Neft qiymətləri isə təklif artımının tələbi üstələməsi və təklif artıqlığı ilə bağlı narahatlıqlar səbəbindən 2025-ci ildə 18 faizdən çox azalaraq pandemiya dövründən bəri ən kəskin illik enişini yaşayıb.
Bizi sosial şəbəkələrdən izləyin!!
