Sinqapurda yerləşən aşağı büdcəli hava yolu şirkəti "Jetstar Asia" ilin sonuna qədər tamamilə bağlanmaq qərarına gəlib.
Banco.az xəbər verir ki, şirkətdən verilən açıqlamada bütün uçuşların 31 dekabr 2025-ci il tarixindən etibarən sona çatacağı bildirilib.
Qərarın səbəbi kimi Asiya bazarında gərgin rəqabət və çətin iqtisadi şərait göstərilir. Qantas Qrupu, 2004-cü ildə qurulan Jetstar Asia-nın 20 ildən çox xidmətdə olduğunu, lakin davamlı fəaliyyət strukturunun artıq mümkün olmadığını bildirdi.
"Jetstar Asia" hazırda Cənub-Şərqi Asiya bölgəsində 13 fərqli istiqamətə uçuşlar həyata keçirir. Qantas həmçinin "Jetstar Asia" işçilərinin bəziləri üçün digər törəmə şirkətlərdə iş imkanları təmin etməyə çalışacaqlarını açıqladı. Biletlərin geri qaytarılması və alternativ reyslərlə bağlı sərnişinlərə məlumat veriləcəyi açıqlanıb.
Jetstar Asia-nın bağlanması Qantas-ın xaricdəki əməliyyatlarında əhəmiyyətli bir daralma olacaq. Qrup Avstraliyada və onun Yapon törəmə şirkəti Jetstar Japan-da fəaliyyətini davam etdirəcək.
Bizi sosial şəbəkələrdən izləyin!!
