Korporativ sosial məsuliyyət proqramı çərçivəsində keçirdiyi layihələri ilə hər zaman cəmiyyətin dəyərlərini qorumağa çalışan Bank of Baku, bu dəfə ətraf mühitin qorunması, ekoloji şəraitin yaxşılaşdırılması məqsədi ilə “Ümumrespublika Yaşıllaşdırma Marafonu”na qoşulub.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü, IDEA İctimai Birliyinin və Ekologiya və Təbii Sərvətlər Nazirliyinin birgə təşkilatçılığı ilə keçirilən aksiyada Ekologiya və Təbii Sərvətlər naziri və Nazirliyin digər rəhbər şəxsləri, Azərbaycan Banklar Assosiasiyasının rəhbərliyi və Bank of Baku-nun rəhbər və işçi heyəti iştirak ediblər.
Ağacəkmə aksiyası Müşfiqabad qəsəbəsində yerləşən 51.4 hektar ərazidə baş tutub. Bank əməkdaşlarının da iştirak etdiyi aksiya zamanı 8 hektar ərazidə Abşeron yarımadasının torpaq-iqlim şəraitinə uyğun 6000-ə yaxın Eldar şamı və zeytun ağacı əkilib.
Layihənin əsas məqsədi yaşıllıq sahələrinin azalması nəticəsində baş verə biləcək təhlükələrin qarşısını almaq, ağac əkilməsini təşviq etmək və bununla da ətraf mühitin mühafizəsinə, ölkəmizin flora biomüxtəlifliyinin artırılmasına, yaşıllıqların qorunması ilə bağlı maarifləndirilməyə töhfə verməkdən ibarətdir.
Bank of Baku-nun keçirdiyi layihələr və bank haqqında ətraflı məlumat almaq üçün 145 Məlumat Mərkəzinə zəng edə və ya bankın rəsmi veb səhifəsinə https://www.bankofbaku.com, Facebook səhifəsinə www.facebook.com/bankofbaku daxil ola bilərsiniz.
.jpg)
Bizi sosial şəbəkələrdən izləyin!!
