Müəllif: Tamara Mustafayeva, Banco.az
Afrikanın ən varlı insanı bu il də nigeriyalı iş adamı Aliko Danqote olub.
Banco.az xəbər verir ki, “Forbes” jurnalının dərc etdiyi "2025-ci ildə Afrikanın ən zənginləri" siyahısında nigeriyalı Aliko Danqote 23,9 milyard dollarlıq xalis sərvəti ilə birinci yerdə qərarlaşıb.
Jurnalın yaydığı siyahıya görə, sement, şəkər və neft yatırımları ilə tanınan Danqote 2024-cü ildə 13,9 milyard dollar olan sərvətini 23,9 milyard dollara yüksəldərək ardıcıl 14-cü ildir ki, siyahının zirvəsində qalmağı bacarıb.
Siyahının ikinci pilləsində Cənubi Afrikalı Cohan Rupert, üçüncü yerdə isə yenə Cənubi Afrikadan Niki Oppenhaymer yer alıb.
Ümumilikdə 22 afrikalı milyarderin yer aldığı siyahıda Misirdən Nassef Saviris, Mohamed Mansour, Naguib Saviris və Koss Bekker olmaqla 4 nəfər yer alıb.
Bizi sosial şəbəkələrdən izləyin!!
