Müəllif: Tamara Mustafayeva, Banco.az
ABŞ-ın qızıl ehtiyatları 1 trilyon dolları ötüb.
Banco.az xəbər verir ki, qızılın qiyməti bir unsiya üçün 3828 dolları keçərək bu il ərzində 45 faiz artım göstərib, dünyanın ən böyük qızıl ehtiyatı isə kritik həddi aşıb.
ABŞ Xəzinədarlıq Nazirliyinin qızıl ehtiyatları 1 trilyon dolları keçib.
Bu il külçə qızıl ticarət müharibələri, geosiyasi gərginliklər və ABŞ-da mümkün maliyyə böhranı ilə bağlı artan narahatlıqlar səbəbindən investorların “təhlükəsiz liman” axtarışına girməsi ilə ard-arda rekordlar qırıb. Bu yüksəliş həmçinin birja investisiya fondlarına yönələn vəsaitlər və ABŞ Mərkəzi Bankı Fed-in faiz endirimlərinə yenidən başlaması ilə dəstəklənib.
Əksər ölkələrdən fərqli olaraq, ABŞ-da qızıl ehtiyatları Mərkəzi Bankın deyil, birbaşa hökumətin əlindədir. Fed isə Xəzinədarlığın əlindəki qızılın dəyərinə uyğun gələn qızıl sertifikatlarını saxlayır və bunun müqabilində hökumətə dollar ötürür. Mövcud qiymətlərlə ehtiyatların dəyərinin yenilənməsi Xəzinədarlığın xəzinəsinə təxminən 990 milyard dollar vəsaitin daxil olması deməkdir.
Bizi sosial şəbəkələrdən izləyin!!
