Müəllif:Ayşən İmanova/Banco.az
“Tesla” səhmləri, ABŞ-nin yeni seçilmiş prezidenti Donald Tramp administrasiyasının özü idarə olunan avtomobillərlə bağlı qaydaları yüngülləşdirə biləcəyinə dair media xəbərləri fonunda bazar öncəsi ticarətdə 6,7% artıb.
Banco.az xəbər verir ki, bu barədə “Bloomberg” məlumat yayıb.
Məlumata görə, Tramp prezident vəzifəsinə keçdikdən sonra bu sahə üzrə tənzimləyici strukturun yaradılması ABŞ Nəqliyyat Nazirliyinin prioritetlərindən biri olacaq.
Mövcud federal qaydalar xüsusilə “Tesla”nın istehsal etməyi planlaşdırdığı sükan çarxları və pedalsız avtomobillərin bazara çıxarılmasına ciddi maneələr qoyur.
Oktyabr ayında “Tesla”nın baş direktoru İlon Mask bildirmişdi ki, şirkət 2026-cı ildə sürücü idarəetməsi olmayan “Cybercab” robotaksinin kütləvi istehsalına başlamağı planlaşdırır.
Qeyd edək ki, “Tesla” səhmləri bazar ertəsi ticarətdə 341,7 dollara satılıb, ilin əvvəlindən onların dəyəri 29% artıb.
