Müəllif:Mehin Qasımova,Banco.az
Çin Çin-ABŞ münasibətlərinin sabit inkişafını qorumaq üçün ABŞ-ı Tayvana silah satışını dayandırmağa çağırıb.
Banco.az xəbər verir ki, Çin Xarici İşlər Nazirliyinin sözçüsü Pekində keçirilən mətbuat konfransında bildirib ki, Vaşinqton "Tayvana silah satışını dayandırmalı və Çin-ABŞ münasibətlərinin sabit inkişafını, eləcə də Tayvan boğazında sülh və sabitliyi qorumaq üçün konkret addımlar atmalıdır.
Qeyd edək ki, Çin lideri Si Cinpin və Tramp arasında bu həftə keçiriləcək sammit böyük əhəmiyyət kəsb edir və hər iki tərəfin yüksək vəzifəli ticarət rəsmiləri görüşlərində sammitin çərçivəsini müəyyənləşdirməyə hazırlaşırlar.
Tariflər, fentanil və Tayvan kimi həssas məsələlər dünyanın iki ən böyük iqtisadiyyatı üçün gündəmdə olacaq.
