Müəllif: Tamara Mustafayeva, Banco.az
Xoşbəxt və uğurlu insanlara gündəlik həyatları ilə bağlı sual verdiyiniz zaman həyatlarına daxil etdikləri hansısa bir anlayış və ya fəlsəfi düşüncədən bəhs etdiklərini görə bilərsiniz. Bu fəsləfi düşüncələr həyatınızı qaydasına salmaq, özünüzü daha yaxşı hiss etmək, daha yaxşı qidalanmaq kimi bir çox müxtəlif mövzuda sizə kömək ola bilər.
Banco.az bugünki məqalədə həmin fəlsəfi düşüncələrdən beşi haqqında məlumat verəcək. İnanın ki, ən az birini belə mənimsəmək həyatınızda yeni üfiqlər açacaq.
1. Stoacı Həyat
“Stoacı Həyat” düşüncə sisteminin əsasında insanların hər şeydən əvvəl özləri ilə barışıq olmaları və təbiətə uyğun yaşamaları, həyatlarından lüzumsuz şeyləri çıxartmaları, bütün hissləri qəbul etmələri və bunlara bağlı yaşamalarının zəruriliyi məsləhət görülür.
2. İkigai
“İkigai” Yaponcada tez-tez istifadə edilən və tanınan bir termindir. Onlar üçün uzun və xoşbət yaşamağın sirridir. Xüsusilə də bu fəlsəfəni səhər yataqdan qalxmağa sövq edən düşüncə olaraq şərh edirlər. Həmin səbəbi tapmaq isə çox mühümdür. Çünki səbəbiniz bütün həyatınız boyunca yorulmadan həyata keçirəcəyiniz tək vərdişiniz ola bilər.
3. Sisu
Sovetlər Birliyinin və Faşistlərin təsirində çətin vaxtlar keçirən, ancaq bu vaxtların öhdəsindən müvəffəqiyyətlə gəlmiş Finlandiyalılar bunun üçün bir fəlsəfə yaratmışdılar – Sisu. Vikinqlərin çətin şəraitlərə qarşı mübarizəsindən gələn bu söz, “Bir çox insanın təslim olduğu müəyyən bir nöqtədən sonra belə qazanmaq üçün cəsur, əzmli və qərarlı bir şəkildə mübarizə aparmağa davam etmək” mənasını daşıyır.
4. Kaizen
Mənası "yaxşılığa doğru dəyişmək", "inkişaf etmək olan “Kaizen” (Kayzen) həyatımızın demək olar ki, bütün mərhələlərində asanlıqla rast gələ biləcəyimiz bir anlayışdır. Ümumilikdə hər kəsi, hər hadisəni, hər anı əhatə edən və müntəzəm olaraq daha yaxşıya çatmağı hədəfləyən bir fəlsəfədir.
5. Hygge
Dünyanın ən xoşbəxt ölkələrindən olan Danimarkada bir fəlsəfə formalaşmışdır: Hygge Fəlsəfəsi. Hərfi mənasını ingilis dilində mövcud olan “coziness” sözü kimi “rahatlıq”, “səmimiyyət” mənaları ilə “səmimi bir mühitdə insan ruhunun rahat hiss etməsi” kimi açıqlaya bilərik.
Bizi sosial şəbəkələrdən izləyin!!
