Müəllif:Mehin Qasımova,Banco.az

Almaniya hökuməti 2027-ci il üçün hazırladığı büdcə layihəsinə əsasən, 203 milyard avrodan çox borc cəlb etməyi planlaşdırır. Bu məbləğ əvvəlki proqnozlardan xeyli yüksəkdir.

Banco.az xəbər verir ki, layihəyə əsasən, ümumi xərclər təxminən 555,4 milyard avro, investisiya xərcləri isə 117,5 milyard avroya qədər artırılıb.

İnvestisiyalar nəqliyyat, rəqəmsallaşdırma və xəstəxanaların modernləşdirilməsinə yönələcək.

Əsas müdafiə büdcəsi 109,8 milyard avroya qədər artırılıb və Ukraynaya yardım və digər təhlükəsizlik xərcləri daxil edildikdə, müdafiə ilə bağlı ümumi xərclər təxminən 130,1 milyard avroya çatacaq.

Hökumət infrastruktur investisiyalarını və yenidən silahlanma prosesini sürətləndirmək üçün genişləndirilmiş borclanma imkanlarından və özəl fondlardan istifadə edəcəyini açıqlayıb.

Büdcə layihəsində həmçinin Hörmüz boğazında və ya neft tədarükündə uzun müddət davam edən fasilənin Almaniya iqtisadiyyatına əhəmiyyətli dərəcədə təsir göstərəcəyi barədə xəbərdarlıq da yer alıb. Büdcə layihəsinin sentyabr ayında parlamentə təqdim edilməsi və ilin sonuna qədər təsdiqlənməsi gözlənilir.