Müəllif - Fərid İslamov - Banco.az

 ABŞ-ın ən böyük fast-food şəbəkələrindən biri olan Wendy's Co., üçüncü rübdə xalis mənfəətini 11,8%, gəlirlərini isə 2,9% azaldıb.

Hesabat məlumatına görə:

• İyul-sentyabr aylarında xalis mənfəət 44,3 milyon dollar, yəni hissə başına 23 sent olub. Keçən ilin eyni dövründə bu göstərici 50,2 milyon dollar, 25 sent idi.

• Düzəliş edilmiş mənfəət isə 25 sentdən 24 sentə düşüb.

• Gəlirlər 549,5 milyon dollara geriləyib (ötən il 566,7 milyon dollar).

• Qlobal satışlar 2,6%, uyğun satışlar isə 3,7% azalıb.

FactSet-in sorğusu üzrə analitiklər orta hesabla düzəliş edilmiş mənfəətin 20 sent, gəlirin isə 534,7 milyon dollar olacağını proqnozlaşdırmış, satışların isə 5% azalacağını gözləyirdilər.

Əlavə məlumatlar:

• Keçən rübdə Wendy's 54 yeni restoran açıb, bu ilin əvvəldən indiyədək restoranların sayı 172 ədəd artıb.

• Son üç ay ərzində şirkət 10,7 milyon dollar dəyərində dividendlər və səhmlərin geri alınması vasitəsilə səhmdarlara qaytarıb.

• Wendy's 15 dekabrda hissə başına 14 sent dividend ödəyəcək, səhmdarlar reyestrinin bağlanması isə 1 dekabrda olacaq.