Müəllif:Mehin Qasımova, Banco.az

ABŞ Prezidenti Donald Trampın  sərvəti bir il ərzində iki dəfədən çox artıb.

Banco.az xəbər verir ki, bu barədə  "Forbes" məlumat verib.

Məlumata görə, 2024-cü ildə onun ümumi kapitalı 2,3 milyard dollar qiymətləndirilirdi, 2025-ci ilin əvvəlində isə Trampın sərvəti 5,1 milyard dollara çatıb. Beləliklə, 12 ay ərzində Ağ Ev rəhbərinin aktivlərinin dəyəri 2,8 milyard artıb.

Nəşrdə qeyd edilib ki, o, bu cür dinamikaya əsasən “kriptovalyutaya çox sərfəli investisiya” sayəsində nail olub.

Eyni zamanda Trampın əsas sərvəti daşınmaz əmlak olmaqda davam edir. O, həmçinin qolf klublarına, malikanələrə, şərab zavoduna və 1991-ci il Boeing 757-200-ə sahibdir. Əlavə olaraq, 2024-cü ildə  Tramp Media & Technology Group səhmlərini birjada yerləşdirərək ictimaiyyətə çıxdı. Bu hal Trampın da xeyrinə olub.