ABŞ prezidenti Donald Tramp ölkədə kiçik avtomobillərin istehsalına icazə verdiyini açıqlayıb.
Banco.az xəbər verir ki, Tramp sosial şəbəkədə bunları paylaşıb: “Mən Amerikada kiçik avtomobillərin istehsalına icazə verdim”.
Prezident istehsalçıların uzun müddətdir başqa ölkələrdə bu tip avtomobilləri uğurla istehsal etmələrinə baxmayaraq, ABŞ-da istehsal icazəsi tələb etdiklərini söyləyib.
Tramp bu avtomobillərin benzin, elektrik və ya hibrid kimi istehsal oluna biləcəyini qeyd edərək, aşağıdakı qiymətləndirməni edib:
"Yaxın gələcəyin bu avtomobilləri sərfəli, təhlükəsiz, yanacaq qənaətcil və sadəcə möhtəşəmdir. İndi istehsala başlayın. Ədliyyə, Nəqliyyat və Ətraf Mühit Nazirliklərinə təşəkkür edirik. Zövq alın".
