Müəllif: Tamara Mustafayeva, Banco.az
“Toyota” şirkəti Kanadadakı fabriki üçün humanoid robotlar əldə edib.
Banco.az xəbər verir ki, "Toyota" şirkəti Kanadadakı zavodu üçün yeddi ədəd “"Agility"” humanoid robotunun alınmasına dair müqavilə imzalayıb.
Bir illik pilot layihədən sonra "Toyota"nın Kanadadakı istehsal bölməsi RAV4 tipli idman-təsərrüfat avtomobillərinin istehsal olunduğu zavodda çalışmaq məqsədilə yeddi humanoid robotun xidmət müqaviləsi əsasında istifadəsi barədə razılığa gəlib.
"Toyota Motor Manufacturing Canada"nın prezidenti Tim Hollander açıqlamasında bildirib: “Bir çox robotu dəyərləndirdikdən sonra əməkdaşlarımızın iş təcrübəsini yaxşılaşdırmaq və istehsal müəssisələrimizdə əməliyyat səmərəliliyini daha da artırmaq üçün ‘Digit’dən istifadə edəcəyimizə görə həyəcanlıyıq.”
“Digit” adlı robot 2015-ci ildə Oreqon Ştat Universitetindən ayrılmış bir şirkət olan "Agility Robotics" tərəfindən hazırlanıb. “Digit” əsasən iki avtomatlaşdırılmış istehsal xətti arasında əlaqələndirici rol oynayaraq, insanın birbaşa iştirakı olmadan sənaye mühitində fəaliyyət göstərmək üçün nəzərdə tutulub. Bu çərçivədə robotlar avtomatik anbar dartıcısından avtomobil hissələri ilə dolu yeşikləri boşaldacaqlar.
Bizi sosial şəbəkələrdən izləyin!!
