Müəllif: Tamara Mustafayeva, Banco.az
Sevgililər Gününü ən çox Z nəsli qeyd edir, lakin xərclər büdcəyə uyğun limitlər daxilində qalır.
Banco.az xəbər verir ki, “CHICAGO” araşdırma şirkəti Sevgililər Gününə dair alış-veriş və qeyd etmə planlarını ortaya qoyan yeni bir araşdırma yayımlayıb.
5 mindən çox istehlakçı ilə aparılan sorğu və təsdiqlənmiş alış məlumatlarına əsaslanan araşdırma bu ilin Sevgililər Günü trendlərini aydın şəkildə nümayiş etdirir.
Z nəsli Sevgililər Gününü ən çox qeyd edən nəsildir
Araşdırmaya görə, istehlakçıların 61%-i Sevgililər Gününü qeyd etməyi planlaşdırır. Bu göstərici ötən illə müqayisədə dörd faiz bəndi artıb. Ən yüksək qeyd etmə meyli isə 66% ilə Z nəslinə aiddir. Y nəsli də 64% ilə bənzər maraq göstərsə də, yaş artdıqca bu göstərici azalır.
Sevgililər Gününə hazırlıq da əhəmiyyətli dərəcədə dəyişib. Qeyd etməyi planlaşdıranların üçdə biri (34%) hazırlıqlara bir ay öncədən başlayır. Digər tərəfdən, 17%-i planlarını son iki günə saxlayır.
Ən populyar fəaliyyət – restoranlarda şam yeməyi
İştirakçıların 39%-i bu xüsusi günü restoranda qeyd etməyi planlaşdırır. Bu göstərici ilin digər bayramları ilə müqayisədə ən yüksək səviyyədədir.
Hədiyyə alma vərdişləri nəsillər arasında fərqlənir:
-
Y nəsli hədiyyə verməyə ən meyilli qrupdur.
-
Boomers+ nəsli evlərini bəzəməyi ən çox üstün tutan nəslin nümayəndələridir (20%).
-
Z nəsli isə bayıra çıxıb içki içməyi ən çox üstün tutan qrupdur (21%).
Bununla yanaşı, Sevgililər Gününü qeyd edənlərin 96%-i nəsə almağı planlaşdırır. Ən populyar məhsullar bunlardır:
-
Şirniyyat (49%)
-
Hədiyyələr (47%)
-
Qida məhsulları (43%)
-
Alkoqollu içkilər (17%)
Şirniyyat satışları Sevgililər Günündə pik həddə çatır. Bununla belə, bu bayram hələ də Halloen Bayramı (79%) və Pasxa (53%) ilə müqayisədə geri qalır. ABŞ-da Sevgililər Günündən əvvəlki dörd həftə ərzində ailələrin 84%-i şirniyyat alır. Alıcıların 40%-i məhz Sevgililər Gününə özəl şirniyyatlara üstünlük verərkən, 64%-i mövsümdən kənar şokoladlı, 44%-i isə şokoladsız şirniyyat alır.
Büdcə dostu alış-veriş ön plandadır
Sevgililər Günü xərcləri əsasən büdcəyə uyğun sərhədlər daxilində qalır. Bayramı qeyd etməyi planlaşdıranların 73%-i alış-veriş üçün 100 dollardan az xərcləməyi düşünür. İstehlakçılar alış-verişlərini əsasən bu yerlərdən etməyi planlaşdırır:
-
Böyük mağazalar (40%)
-
Marketlər (33%)
-
Onlayn pərakəndə satıcılar (27%)
-
Endirim/dollar mağazaları (23%)
Sevgililər Günü trendləri göstərir ki, gənc nəsillərin marağı yüksək olsa da, istehlakçılar xərclərini nəzarətdə saxlayırlar. Markalar üçün əsas imkanlar şirniyyat, restoran və hədiyyə kateqoriyalarında cəmləşir. Bununla yanaşı, büdcəyə uyğun seçimlər təqdim etmək istehlakçılar üçün həlledici amil olaraq qalır.
Bizi sosial şəbəkələrdən izləyin!!
