Müəllif: Tamara Mustafayeva, Banco.az
Səudiyyə Ərəbistanı Asiyaya satdığı neftin qiymətini bahalaşdırıb.
Banco.az xəbər verir ki, Səudiyyə Ərəbistanı OPEC+ tərəfindən istehsalın yaxın zamanda artırılması planlarının təxirə salınmasının ardından ən böyük bazarı olan Asiyada daha sıx təchizat gözləntiləri ilə əlaqədar olaraq, buradakı alıcılar üçün növbəti ay üzrə neft qiymətlərini artırıb.
“Bloomberg” nəşri tərəfindən görülən bir qiymət siyahısına əsasən, dövlətə bağlı neft istehsalçısı “Saudi Aramco” yüngül xam neft sinfinin qiymətini fevral ayı üçün regional göstəriciyə görə barel başına 1,50 dollar artırıb.
Londondakı göstərici neft qiymətləri, xüsusilə Çindəki zəif tələb artımının artıq neft həcmlərinin çoxalmasına səbəb olması səbəbindən ötən il təxminən 3% azaldıqdan sonra barel başına 75 dollar səviyyələrində sabit qalmağa davam edir.
Bizi sosial şəbəkələrdən izləyin!!
